Hai cercato la parola
monolingue
Torna indietro

monolingue

covâ v.tr.
(co-vâ)
De gjaline, o ancje di altris uciei, tignî cjalts cu lis plumis de panze i ûfs o ancje i piçui
sinonimi
clucî
esempi
"[Catinuta] a gji faseva via pal dì visitis a la clocja co covava i pulissuts, e gji butava di mangjâ a li gjalinis"
da "Catinuta" di Ugo Pellis
"[la vuede] ju cove, ju clame / ju mene a passon, / ur sgarfe, ur insegne / il gran il plui bon"
da "La vuede" di Giovanni Battista Gallerio
covâ v.intr.
(co-vâ)
Tignî dentri vie cence che si viodi
sinonimi
clucî
esempi
"la mê [ment], intal so segret, e à continuât a covâ il ricuart"
da "Trê feminis" di Gianni Gregoricchio
"o sintivi che dentri e covave une pene che la cruziave e che e scuindeve cun gjelosie"
da "None Menie" di Maria Gioitti del Monaco
"Nene e alçà i voi e alore la mularie se mocà fin sot il puarton dai Fresacs a covâ tristeriis"
da "Chel svampît di 'Sefut" di Maria Forte
covâ v.intr.
(co-vâ)
Stâ riparât, no viodût, no cognossût e sim. (ancje fig.)
sinonimi
alberzâ, covâsi, coviglîsi, imbusâsi, intanâsi, logâ, nidiâ, platâsi
esempi
"sot de disperazion di chei agns desolâts, e covave la voie di riscat e di voltâ pagjine"
da "Pre Josef e la Patrie. Une rose fluride in plen Unvier" di Antoni Beline
covâ v.tr., v.intr.
(co-vâ)
Cjapâ un ciert puest, un ciert volum
sinonimi
tignî, cjapâ, incovâ
esempi
"chest armaron al cove unmont te cjamare"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
""Eh! cjare muîr, le sapience no cove puest: je une materie spirituâl""
da "La curiositât sacomade" di Giuseppe Dondo
Torna in Cima