Tu âs cirût la peraule
monolengâl
torne indaûr

monolengâl

culture s.f.
(cul-tu-re)
Ativitât di semenâ e fâ cressi plantis, massime par produsi robe di mangjâ o materiâi o prodots di vendi
sinonims
coltivazion
esemplis
"tancj terens a passavin de destinazion al passon des bestiis ae culture de blave"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
"la varietât climatiche dal Friûl e favorìs la culture di ogni sorte di pomis di clime temperât"
gjavât fûr di "Une regjon di cerçâ" di Sandri Carrozzo
culture s.f.
(cul-tu-re)
Arlevament di piçui animâi (fig.)
sinonims
arlevament
esemplis
"ma al è coventât une vore di timp par meti in vore inovazions tant che gnovis rotazions agrariis, plui atenzion ai vignâi, jutoris ae culture dai cavalîrs, miorament dal patrimoni zootecnic e ûs dai fertilizants chimics"
gjavât fûr di "Di contadins a imprenditôrs, ma tocje fâ simpri di bessôi" di Walter Tomada
culture s.f.
(cul-tu-re)
Complès des cognossincis inteletuâls e des nozions che si cjapin sù cul contat cun chei altris, imparant tradizions, studiant e v.i.
sinonims
cognossince, dotrine, educazion, formazion, istruzion, savê
esemplis
"fâsi une culture"
"la pluralitât dai furlans di cualchi culture, ma che no àn tignût daûr ai progrès dai studis di linguistiche in chescj ultins cincuante agns, si tegnin inmò tacâts a la opinion dal Ascoli [de unitât ladine]"
gjavât fûr di "Autonomie e lengaç" di Josef Marchet
"a vevin fondât sfueis di culture e di politiche che si scrivevin dome in lenghe furlane, Patrie dal Friûl prin e Int Furlane"
gjavât fûr di "Memoriis di politiche linguistiche" di Adrian Cescje
culture s.f.
(cul-tu-re)
Complès di pratichis e cognossincis coletivis che a caraterizin une civiltât, une societât, un grup sociâl e v.i.
sinonims
civilizazion, civiltât
esemplis
"tal Votcent la Europe e vîf une gnove clime di atenzion pes manifestazions de culture popolâr"
gjavât fûr di "Documents de Ete di Mieç pal studi dal furlan antîc" di Federico Vicario
"cheste e je la vere unitât: ognun salvâ e vivi la proprie culture e rispietà, studiâ, cognossi e imparâ da la culture di ducj chei altris"
gjavât fûr di "Fûr che al vegni cui che al è stât" di Riedo Pup
"di pôcs agns, si à cjatât plui provis de presince de culture di La Tène in Friûl, plui di dut in Cjargne"
gjavât fûr di "Protostorie e storie romane in Friûl" di AAVV
"la culture siamaniche dai vuaridôrs al è probabil che e fos stade ae origjin des pratichis medichis dai asclepiats elenics"
gjavât fûr di "Viaç aes origjins dal Logos" di Adrian Cescje
culture s.f.
(cul-tu-re)
Produzion creative o patrimoni materiâl o imateriâl che a derivin di chês cognossincis e tradizions
esemplis
"Onde Furlane e jere inovative: dal pont di viste metodologjic parcè che e jere une radio che e produseve culture"
gjavât fûr di "Un Friûl difarent: i 90 mhz di Onde Furlane" di Max Mauro
torne sù