Hai cercato la parola
monolingue
Torna indietro

monolingue

cuote s.f.
(cuo-te)
Sume che ogni membri di un grup al à di paiâ o di scuedi
esempi
"o paiarai la cuote dal condomini par dut l'an e la justadure dal brusadôr"
da "Chê dì che al neveà a Vignesie" di Agnul di Spere
"la partecipazion ai incuintris e je vierte ai socis. La cuote associative pal 2015 e je di 20 euros"
da "«In file» cui eretics dal Friûl" di Erika Adami
cuote s.f.
(cuo-te)
Cuantitât di alc, ancje no di bêçs, rispiet a un totâl
esempi
"la Regjon e à la facoltât di indicâ pe cuote dal 20% dal orari scolastic dissiplinis di interès regjonâl"
da "Memoriis di politiche linguistiche" di Adrian Cescje
cuote s.f.
(cuo-te)
Cuantitât in gjenerâl, ancje cence un rapuart cuntune sume totâl plui grande
esempi
"stant dome aes statistichis uficiâls, che no misuravin i flus clandestins, la migrazion temporanie furlane e je cressude in maniere costante: se tal 1876 a partivin 25-30 mil emigrants, tal 1890 la cuote e leve a cirche 50-60 mil unitâts"
da "La emigrazion furlane in Austrie e in Gjermanie" di Matteo Ermacora
cuote s.f.
(cuo-te)
Permès di cjaçâ par un ciert timp o un ciert numar di bestiis intune risierve di cjace
esempi
"lis cuotis de risierve no son individuâls, si pues vendilis o lassâlis a amîs"
cuote s.f.
(cuo-te)
Tes scomessis, cifre calcolade daûr dal rapuart tra la sume metude sù e chê che si vinçarès
cuote s.f.
(cuo-te)
Altitudin a pet dal nivel dal mâr
esempi
"scuadre dopo scuadre, a vignivin jù di Cime Pâl Grant, di cuote 1700, di Pas Cjaval, di Siele Freikofel, dal Gam Spitz"
da "La gleseute dai alpins" di Pieri Menis
"in cheste fasse [la Troposfere] la temperadure, pal solit, e cale par ordin che la cuote e cres"
da "Notis di meteorologjie pal Friûl - Vignesie Julie" di Stefano Micheletti, Marcellino Salvador
cuote s.f.
(cuo-te)
(sport) Ponts di un concorint o di une scuadre intune competizion
esempi
"a mieç campionât la prime e je a cuote 24"
cuote s.f.
(cuo-te)
(gjeom.) In gjeometrie descritive, distance di un pont di un plan orizontâl, che e pues sei positive o negative daûr che il pont al è sore o sot dal plan
cuote s.f.
(cuo-te)
(gjeom.) In gjeometrie analitiche, numar che intun sisteme di as cartesians ortogonâi al da la distance di un pont dal plan individuât dai as des assissis e des ordenadis
cuote s.f.
(cuo-te)
(tecn.) Tal dissen tecnic e architetonic, misure planimetriche e altimetriche di ce che si rapresente
Torna in Cima