Hai cercato la parola
monolingue
Torna indietro

monolingue

curt adi.
Di pocje estension intal spazi, di pocje lungjece
esempi
"il jet par Laurinç al jere masse curt, e lui nol rivà a indurmidîsi par un biel toc"
da "I prâts des Savodagnis" di Agnul di Spere
"il Templi al jere un periptar doric cun 6 colonis sui lâts curts e 13 su chei luncs"
da "Viaç aes origjins dal Logos" di Adrian Cescje
curt adi., s.m.
Di vistît, che al lasse discuviertis lis parts che par solit a son cuviertis
sinonimi
minim, staronzât
esempi
"al someave ancje lui un dai lôr, vistût a la todescje, cul cjapiel muc furnît, par daûr, di une scovetute di plumis. Dome i bregons curts no ju veve mai doprâts, nancje tal plui grant Istât"
da "La tiere di Lansing" di Maria Forte
"vistude di fâsi cjalâ, ma no masse, cotule curte, tacs a spiç"
da "La foghere" di Luciano Rocco
curt adi.
Di colp o tîr, o sim., che al rive pôc lontan e di pocje potence
esempi
"mantignî il possès dal balon cun lungjis fasis di passaçs curts e precîs"
curt adi.
Che al dure pôc timp
sinonimi
svelt, svoladi
esempi
"purtrop il timp de gjonde al è simpri curt"
da "Trê feminis" di Gianni Gregoricchio
"al veve une grant presse: curte e jere la zornade e lungje la strade"
da "Clâr e scûr" di Pieri Somede dai Marcs
"di Invier, cu lis mans e il respîr su la lastre dal barcon, cuant che i dîs a son curts e l'an scuasit finît"
da "Faliscjis" di Cristina Noacco
curt s.m.
Film che al dure avonde pôc, pal solit mancul di cuindis minûts
sinonimi
curtmetraç
esempi
"dongje di chescj luncmetraçs che o vin citât no son di dismenteâ i curts, tant che i bascs dal progjet Kimuak o i galizians metûts adun di autôrs tant che Alfonso Camarero e Jairo Iglesias"
da "La Mostre dal Cine e devente europeane" di Fabian Ros
curt adi.
[TS] (fon.) Di sun, par plui di vocâl, che al à durade minime
esempi
"inglês e furlan no àn consonantis lungjis ma a àn lis vocâls lungjis (dut il contrari dal talian), e il significât di une peraule al pues cambiâ dome pal fat di vê dentri une vocâl curte o une lungje: il pas ≠ la pâs, brut ≠ brût; cussì ancje in inglês: full [ful] «plen» ≠ fool [fu:l] «stupit», cot [kot] «jetut» ≠ caught [ko:t] «cjapât» e v.i."
da "Se tu sâs il furlan tu imparis l'inglês!" di Franco Finco
curt adi.
Di discors, scrit e v.i., dit o scrit in pocjis peraulis
sinonimi
di pocjis peraulis, sintetic, sut, sut di peraulis, svelt
esempi
"daspò di une introduzion curte dal assessôr che mi à indicât tant che coordenadôr de Comission, o ai cjapade la peraule "
da "Memoriis di politiche linguistiche" di Adrian Cescje
"i messaçs, par funzionâ, a àn di sei curts e capîts di ducj"
da "Comunicâ la autonomie" di Sandri Di Suald
curt adi.
Piçul di stature
sinonimi
cracagnot, cracul, fracadiç, minût, trepul, bas, piçul
esempi
"«Poo-stii-noo! … » al sberlave par talian il puestin di Waidhofen, un om curt e grues, che si varès podût cjapâlu par un sac di stope che i vessin metût parsore, par ridi, un cjavon ros come il fûc"
da "Une letare par Bepo" di Pieri Menis
curt adi.
Di part dal cuarp, mancul lungje de medie o di ce che e podarès jessi
esempi
"e veve manonis che a parevin sglonfis e i dêts curts e mucui"
da "La maghe no fale" di Pieri Menis
"vê i cjavei curts pe naie"
da "Ah! la provincie" di Sandri Di Suald
curt adi.
Di une cualitât, insuficient o mendôs (fig.)
sinonimi
clop, debil, limitât, mancjant, mendôs, scjars
esempi
"al veve la viste curte come nissun. Par lei al scugnive puartâ i libris a cuatri dêts dai voi"
da "Il dolfin" di Carlo Sgorlon
curt adi.
Di cafè o di brût o sim., concentrât, fis
sinonimi
cjariât, concentrât, penç, strent, ristret, fis
esempi
"camarîr, par plasê un cafè curt e doi capucins"
proverbi
"a Sant Tomâs e je la zornade plui curte"
"cui che al à pocje tele che al fasi curte la cjamese"
"il curt al è simpri in ponte"
"il curt al reste da pîts"
"il maridâ al è curt, il stentâ al è lunc"
"la falsetât e à il tabâr curt, par tant che e ciri di taponâsi, i reste simpri cualchi part scuvierte"
"la strade drete e je la plui curte"
"la strade plui curte a je chê che si cjape daurman"
"lis bausiis a àn i pîs curts"
"lis cjacaris lungjis a fasin la gnot curte"
"lunc o curt, un baston al è simpri un baston"
"no meti e gjavâ, dut cuant in curt al va"
"vît curte, vendeme lungje"
Torna in Cima