SuperDizionari

curâ v.tr.
(cu-râ)

Fâ in maniere o provâ a fâ in maniere che cdn. o alc al torni in salût

esemplis

"ducj i doi [miedi e capelan militâr] si impegnavin a curâ ferîts e muribonts"

gjavât fûr di "La trombe" di Checo Tam

"vuarî"

curâ v.tr.
(cu-râ)

Fâ passâ o cirî di fâ passâ une malatie o un fastidi

sinonims

fâ passâ, justâ, medeâ, meti a puest, meti in sest, risanâ, sanâ, tratâ, vuarî

esemplis

"si pues curâ la depression cu la soministrazion intranasâl di ossitocine o la assunzion di antidepressîfs, che a fasin aumentâ il nivel cerebrâl di aminis biogjenis"

gjavât fûr di "Neurosiencis dal dolôr" di Franc Fari

"intal 1942 par câs si à scuviert che cierts sulfamidics, doprâts par curâ lis infezions, a sbassavin la glicemie"

gjavât fûr di "Scuvierzi il diabete" di Guglielmo Pitzalis

curâ v.tr.
(cu-râ)

Tignî ben cdn. o alc cun atenzions e manutenzion

sinonims

guviernâ, regolâ, stâ atent, stâ daûr, viodi

esemplis

"Remo al faseve une vite semplice, curant cualchi bestie te stale colegade a la abitazion, l'ort, dôs riis di vîts e un pâr di cjamps"

gjavât fûr di "La fantasime" di Checo Tam

curâ v.tr.
(cu-râ)

Gjavâ il scart, gjavâ di alc ce che nol è bon di mangjâ o di doprâ

sinonims

netâ

esemplis

"jentrant cuntun zeut di verdure che e poie su la taule e che si met a curâ metintle tune passarine"

gjavât fûr di "Vilie di Nadâl" di Pieri Somede dai Marcs

"nancje no ramondave plui il lidric la Svualdine! No viodeve trop, e nissun lu mangjave se lu curave jê"

gjavât fûr di "Cjase di Dalban" di Maria Forte

curâ v.tr.
(cu-râ)

Tignî controlât in mût di podê cjatâ in fal, cjapâ cui che al à fate une violazion

curâ v.tr.
(cu-râ)

Organizâ par vie che si à competencis precisis in alc

sinonims

viodi, stâ daûr

esemplis

"l'avocat al disglagnave ducj i afârs de Siore: contrats des fitancis, lis tassis, i curave i interès di ogni fate"

gjavât fûr di "Come tai romançs" di Alan Brusini

curâ v.tr.
(cu-râ)

[CO] (edit.) Prontâ un test par publicâlu

esemplis

"Salvi al veve za curade une serie di studis su ciertis nazionalitâts e su lis lôr problematichis politichis su la riviste politiche leterarie "Il Bimestre", che e veve circolât massime tai ambients de çampe universitarie agns prin"

gjavât fûr di "Memoriis di politiche linguistiche" di Adrian Cescje

"il stes Pellegrini al jere daûr a curâ ancje la redazion e la publicazion dal straordenari Atlante storico linguistico etnografico friulano (ASLEF), vignût fûr in sîs volums tra il 1972 e il 1986"

gjavât fûr di "Documents de Ete di Mieç pal studi dal furlan antîc" di Federico Vicario

monolengâl