SuperDizionari

monolengâl

daspò av., prep., adi.inv.
(das-pò)

Plui tart, tun moment, tun timp sucessîf, ancje cun riferiment a une sucession plui ideâl che cronologjiche o ancje fasint intindi un rapuart di cause e efiet

sinonims

dopo, daûr, po dopo, po

esemplis

"sul imprin ti vegnin tal cjâf un grum di ideis, daspò tu ti fasis une schirie di domandis, di chês che salacor prime no ti passavin nancje pal sintiment"

gjavât fûr di "Il lôf" di Fabian Ros

"Laurinç al jere un di chei puems che daspò gustât a spietavin plui di dôs oris prin di fâ il bagn, tirant slavaris tal spieli de aghe"

gjavât fûr di "Istât" di Agnul di Spere

"pôcs dîs daspò, il 16 di Setembar, il gjornâl “La concordia” di Turin, un sfuei di tindince mazziniane e radicâl, al publicave un violent articul cuintri Cavedalis"

gjavât fûr di "Zuan Batiste Cavedalis - Une vite esemplâr" di Giovanni Pillinini

"tai agns subit daspò la indipendence irlandese (1922), in dutis lis nazions “celtichis" de Grant Bretagne a nasserin moviments politics pal autoguvier"

gjavât fûr di "Il risultât eletorâl dai partîts di identitât teritoriâl - A case study: Scottish National Party" di Sergio Cecotti

Viôt ancje: daspuò, dospò, dapò

daspò av., prep., adi.inv.
(das-pò)

Plui inlà tal spazi, intun lûc sucessîf

sinonims

daûr, dopo, po dopo, po

esemplis

"se si ven a Udin cul tren di Cjasarse, la prime fermade e je Codroip, chê daspò e je Basilian "

"il bagn al è la puarte daspò de sô cjamare"

gjavât fûr di "Il rucjin" di Laurin Zuan Nardin

daspò av., prep., adi.inv.
(das-pò)

Intune posizion sucessive o secondarie intune scjale di valôrs

sinonims

daûr, dopo, po dopo, po

esemplis

"prime di dut i vûl la salût, daspò dut il rest"

daspò av.
(das-pò)

Par segnâ il passaç a un gnûf argoment o element (enf.)

esemplis

"no stin daspò a fevelâ de popolazion dal Friûl Orientâl, di secui tiere imperiâl, dulà che un altri gjenerâl talian al faseve savê che la int e pandeve la sô ostilitât"

gjavât fûr di "La seconde Irlande" di Carli Pup

daspò coniun.
(das-pò)

Par introdusi aversativis

sinonims

dopo, po, po dopo, po daspò, par altri, ma, però, cun dut achel

esemplis

"al somee che ancje lis lenghis umanis a coventin a dividi biologjichementri i popui che lis fevelin. Al vûl dî che oms e feminis che a fevelin la stesse lenghe a fasin plui vulintîr fîs insiemi. Daspò tal particolâr al pues sucedi di dut"

gjavât fûr di "Il cjâf dai furlans" di Franc Fari

daspò av.
(das-pò)

In espressions enfatichis, par rimarcâ che al è za timp che une azion e je inviade

sinonims

dopo mai, daspò mai

esemplis

"e File: «Vignîso, / daspò che si clame! / Se us cjatin i zingars! / Se us cuche la mame!» / E ur sberle e ur insegne / e un pôc si invelegne."

gjavât fûr di "I fruts di Catine" di Enrico Fruch

detulis

"al è miôr vê pôre prin che no daspò"

"bisugne pensâ prin, par no pintîsi daspò"

"cuant che la vacje no mangje cuant che il bo, o che e à mangjât prin o che a mangje daspò"

"cuant che si sune daspò tampiestât, al è tant che no vê sunât"

"cui che nol fâs prin al fâs daspò"

"denant di maridâsi al pâr che al mancji alc, daspò al mancje dut"

"la Istadele di Sant Martin daspò trê dîs e po vê fin"

"la nêf daspò Nadâl no fâs solâr"

torne sù