SuperDizionari

monolingue

daspò av., prep., adi.inv.
(das-pò)

Plui tart, tun moment, tun timp sucessîf, ancje cun riferiment a une sucession plui ideâl che cronologjiche o ancje fasint intindi un rapuart di cause e efiet

sinonimi

dopo, daûr, po dopo, po

esempi

"sul imprin ti vegnin tal cjâf un grum di ideis, daspò tu ti fasis une schirie di domandis, di chês che salacor prime no ti passavin nancje pal sintiment"

da "Il lôf" di Fabian Ros

"Laurinç al jere un di chei puems che daspò gustât a spietavin plui di dôs oris prin di fâ il bagn, tirant slavaris tal spieli de aghe"

da "Istât" di Agnul di Spere

"pôcs dîs daspò, il 16 di Setembar, il gjornâl “La concordia” di Turin, un sfuei di tindince mazziniane e radicâl, al publicave un violent articul cuintri Cavedalis"

da "Zuan Batiste Cavedalis - Une vite esemplâr" di Giovanni Pillinini

"tai agns subit daspò la indipendence irlandese (1922), in dutis lis nazions “celtichis" de Grant Bretagne a nasserin moviments politics pal autoguvier"

da "Il risultât eletorâl dai partîts di identitât teritoriâl - A case study: Scottish National Party" di Sergio Cecotti

Vedi anche: daspuò, dospò, dapò

daspò av., prep., adi.inv.
(das-pò)

Plui inlà tal spazi, intun lûc sucessîf

sinonimi

daûr, dopo, po dopo, po

esempi

"se si ven a Udin cul tren di Cjasarse, la prime fermade e je Codroip, chê daspò e je Basilian "

"il bagn al è la puarte daspò de sô cjamare"

da "Il rucjin" di Laurin Zuan Nardin

daspò av., prep., adi.inv.
(das-pò)

Intune posizion sucessive o secondarie intune scjale di valôrs

sinonimi

daûr, dopo, po dopo, po

esempi

"prime di dut i vûl la salût, daspò dut il rest"

daspò av.
(das-pò)

Par segnâ il passaç a un gnûf argoment o element (enf.)

esempi

"no stin daspò a fevelâ de popolazion dal Friûl Orientâl, di secui tiere imperiâl, dulà che un altri gjenerâl talian al faseve savê che la int e pandeve la sô ostilitât"

da "La seconde Irlande" di Carli Pup

daspò coniun.
(das-pò)

Par introdusi aversativis

sinonimi

dopo, po, po dopo, po daspò, par altri, ma, però, cun dut achel

esempi

"al somee che ancje lis lenghis umanis a coventin a dividi biologjichementri i popui che lis fevelin. Al vûl dî che oms e feminis che a fevelin la stesse lenghe a fasin plui vulintîr fîs insiemi. Daspò tal particolâr al pues sucedi di dut"

da "Il cjâf dai furlans" di Franc Fari

daspò av.
(das-pò)

In espressions enfatichis, par rimarcâ che al è za timp che une azion e je inviade

sinonimi

dopo mai, daspò mai

esempi

"e File: «Vignîso, / daspò che si clame! / Se us cjatin i zingars! / Se us cuche la mame!» / E ur sberle e ur insegne / e un pôc si invelegne."

da "I fruts di Catine" di Enrico Fruch

proverbi

"al è miôr vê pôre prin che no daspò"

"bisugne pensâ prin, par no pintîsi daspò"

"cuant che la vacje no mangje cuant che il bo, o che e à mangjât prin o che a mangje daspò"

"cuant che si sune daspò tampiestât, al è tant che no vê sunât"

"cui che nol fâs prin al fâs daspò"

"denant di maridâsi al pâr che al mancji alc, daspò al mancje dut"

"la Istadele di Sant Martin daspò trê dîs e po vê fin"

"la nêf daspò Nadâl no fâs solâr"

Torna in Cima