SuperDizionari

desert s.m.
(de-sert)

Teritori disabitât o scuasi disabitât, e cun cundizions climatichis estremis che a fasin che e sedi scjarse ancje la presince di plantis e bestiis

esempi

"la lungje carovane di cjars a motôr e passe sui puints dai “uadi”, i flums dal desert"

da "La vuere di Checo" di Checo Tam

"si pense che tal desert al sedi cjalt, invezit te prime part de gare si patìs soredut il frêt, in Maroc, in Alzerie e in Libie"

da "Edi Orioli: la braùre di rapresentâ il Friûl" di Valentina Pagani

Vedi anche: disiert

desert s.m.
(de-sert)

Puest dulà che e je pocje int (fig.)

sinonimi

bandonât, disabitât, spopolât, vueit

esempi

"in chei sîts al veve di sei restât dibot un desert e che i Sclâfs des monts a soreli jevât, o invidâts o lassâts vignî dai Patriarcjis, a capitarin a tornâlu a popolâ"

da "Cuintristorie dal Friûl fin sot la Italie" di Josef Marchet

"lis lûs impiadis sui cjantons des cjasis e su lis beorcjis des stradis, a mostrin che il paîs al è un desert cence sperance"

da "I forescj" di Alan Brusini, Gian Paolo Linda

desert s.m.
(de-sert)

Situazion ancje psicologjiche di mancjance di contats uman, di calôr, di vite (fig.)

sinonimi

desolazion, isolament, solitudin

esempi

"al sintive un vueit ta la anemute, un desert intor di se, là che a si sfantavin i ricuarts [...]"

da "La aghe da pît la cleve" di Dino Virgili

"al reste simpri il desert interiôr, là che la anime si inflapìs e e pendole come une plante cence aghe"

da "Sant Jacum, là che al finìs il mont" di Antoni Beline

monolingue