SuperDizionari

discori v.intr.
(dis-co-ri)

Comunicâ doprant la vôs, spec. tratant un argoment, fevelant cuntun ciert ordin e presentant ideis

sinonimi

fevelâ, cjacarâ, resonâ

esempi

"cu la morose, al veve discorût di fâ famee, di vê fruts, di meti sù cjase"

da "Il muc" di Roberto Ongaro

"si po doprâ la lenghe tant par fevelâ che nome par tabaiâ tant par discori che nome par cjacarâ, tant par resonâ che nome par cuistionâ"

da "I furlans e il fevelâ" di Riedo Pup

discori v.intr.
(dis-co-ri)

Comunicâ cun cdn. doprant la vôs, o in câs ancje par scrit, in sens gjeneric o cun variazions di significât che si capissin dal contest

sinonimi

baratâ la peraule, butâ la peraule, cjacarâ, fevelâ, resonâ, tabaiâ, dî, conversâ, fâ conversazion, contâ, discuti

esempi

"e ven duncje fûr su la puarte la Eline, e li a tachin a discori dal plui e dal mancul, impins, sul antîl"

da "Prioritâts" di Meni Ucel

"a tignî a batiâ a àn clamât copari Jacum e nol ocor discori che a àn fate une fiestone"

da "Il fioç svilupât" di Angelo Covazzi

"no jere la Americhe che al veve sintût discori: scjafoiaç dì e gnot, bestiis stomeosis par ogni cjanton e po la int dal lûc che e cjalave di stos parcè che i emigrants a jerin "mussiùs", forescj"

da "Il mâl dal mûr" di Lucio Perès

"chel operari al jere sui cuarante e no i displaseve discori, e si lavorave lis peraulis dut a so mût, une par une, e ognune e pandeve la sô çocje sardegnole"

da "Fieste di inaugurazion" di Agnul di Spere

discori s.m.
(dis-co-ri)

Esposizion resonade di un argoment, o ancje dome at di fevelâ

sinonimi

discors, resonament, resonade, fevelade, cjacarade, tabaiade

esempi

"il gno discori al abrace une visuâl che e supere i confins e lis diferencis dai umign"

da "La cjase di Toni" di Tarcisio Venuti

discori v.intr., s.m.
(dis-co-ri)

Ancje di bestiis, plantis o elements inanimâts, fâ un sunsûr come di fevelâ (fig.)

sinonimi

fevelâ, cjacarâ, tabaiâ, cisicâ, murmuiâ, discuti

esempi

"la Roie e sclocjave difûr, tun discori cence padin di aghe sbaciade tai ingredeis des ruedis e tal zîr dai mulignei"

da "Cjase di Dalban" di Maria Forte

"no si sintive a craçolâ la metraie ni a bruntulâ il canon, nome dì e gnot il discori misteriôs e sutîl des plantis altis, sofladis dal aiarin"

da "Cemût che o soi restât caporâl" di Pieri Menis

monolingue