Tu âs cirût la peraule
monolengâl
torne indaûr

monolengâl

disgracie s.f.
(dis-gra-ci-e)
Fat une vore negatîf, contrari, che no si previôt o che no si pues fâ nuie par parâsi
sinonims
batidure, copete, disdite, disfortune, flagjel, fracassine, malan, maldestin, malefin, malepasche, montafin, ribaltament, ribalton, savoltament, savolton, tragjedie
esemplis
"in chest mont, ogni volte che nus capite une disgracie, no si rive mai adore di savê se e je une fortune o se je une autentiche disgracie"
gjavât fûr di "Il Friûl taramotât al à bisugne di ducj, ma al à di aministrâsi di bessôl" di Francesc Placerean
"inte famee, cualchi volte, sedi par disgraciis sedi par separazions, al ven a mancjâ cualchidun"
gjavât fûr di "Sul florî" di AAVV
Viôt ancje: disgrazie
disgracie s.f.
(dis-gra-ci-e)
Cundizion di pene, dolôr, torment
sinonims
danazion, persecuzion
esemplis
"varès dovût pentîsi di chel so sens di plasê inuman che senza savê cimût, veva pûr provât nel contemplâ la disgrazia di chei infeliçs"
gjavât fûr di "Il me paîs" di Federigo Comelli
"in doi si à plui coragjo tal frontâ i lambics de vite, che, a meti adun dôs disgraciis, si trai confuart"
gjavât fûr di "Amîs come prime" di Alan Brusini
disgracie s.f.
(dis-gra-ci-e)
Persone o robe che no si pues sopuartâ, che no si à nissune stime, che si calcole in maniere negative e v.i. (fig.)
sinonims
disastri, fisc, insidie, disgraciât, Diu nus vuardi, flagjel, porco dîs, orcodindio
esemplis
"par fuarce che in chel ufici nol funzione nuie, a àn un diretôr che al è une disgracie"
disgracie s.f.
(dis-gra-ci-e)
Fortune contrarie
sinonims
disfortune, maldestin, malesorte, peule, sgnesule, sgumilicje
esemplis
"se si le cope [la magne] e puarte disgracie e in curt al murirà cui che le à copade o un de sô famee"
gjavât fûr di "Friûl di Magance" di Sandri Carrozzo
detulis
"a spandi sâl a vegnin disgraciis"
"a spandi vueli, a tocjin disgraciis"
"bilite passant, disgracie vignint"
"cuant che a scomencin lis disgraciis bisugne vierzi puartis e barcons"
"cui che al cjape il lot al cjape disgracie"
"cui che al gjolt dal mâl dai altris co a vegnin lis disgraciis al vai di bessôl"
"dôs disgraciis a son siguris: la muart e lis tassis"
"l'uciel in man al frut, la surîs in bocje al gjat, lis disgraciis in man al avocat"
"la disgracie di un e je la fortune di un altri"
"la fortune di un e je la disgracie di un altri"
"lis disgraciis a fasin fâ trop"
"lis disgraciis a menin judizi"
"lis disgraciis a son un trist companadi"
"lis disgraciis a son une triste scuele"
"lis disgraciis a stan simpri prontis tant che lis taulis in ostarie"
"lis disgraciis a van tant che i fraris"
"lis disgraciis no fasin bon bevi"
"lis disgraciis no van mai solis"
"no je mai une disgracie che no sedi une fortune"
"tes disgraciis si cognòs cui che al vûl ben"
"tes disgraciis si cognòs i amîs"
torne sù