SuperDizionari

monolingue

disperât adi., s.m.
(dis-pe-rât)

Che, cui che i mancje cualsisei sperance, che al è cjapât di une pene estreme

esempi

"la puare femine disperade si metè lis mans tei cjavei e cjalant i fruts che i vaìvin ator "Ah, puaris creaturis mês" e diseve "puars vuarfins [...]""

da "La mulinarie" di Catarine Percude

"e a cjantâ no je fadie / se no si è plui che malâts / e a cjantâ si fâs ligrie / a chei zovins disperâts"

da "E jo o cjanti, cjanti, cjanti" di Popolâr

disperât adi., s.m.
(dis-pe-rât)

Che, cui che al è in cundizions di dificoltât estreme, soredut economiche

sinonimi

disgraciât, puar, misar, miserabil

esempi

"chel so client al è un disperât, plen di fruts, che tant no si po gjavâi nuie"

da "L'avocat e la luianie" di Pieri Somede dai Marcs

"a savevin ducj che nol jere un disperât e che no i mancjave il pagnut"

da "Prime di sere" di Carlo Sgorlon

disperât adi.
(dis-pe-rât)

Che nol lasse nissune sperance, che nol lasse pensâ a une pussibile evoluzion in miôr

esempi

"dut al jere cuintri di me e i superiôrs, a partî dal retôr Fantin, no viodevin o no volevin viodi nissun segnâl di vocazion. La situazion e jere disperade"

da "Il seminari e i prins agns di predi" di Antoni Beline

disperât adi.
(dis-pe-rât)

Che al è fuart o ancje esagjerât, che al à manifestazions estremis (fig.)

esempi

"al scjadenà tes scuelis e tes placis la plui disperade propagande cuintri da la Austrie"

da "Cuintristorie dal Friûl fin sot la Italie" di Josef Marchet

proverbi

"il lot al è la risorse dai disperâts"

"la sperance e je il rimiedi dai disperâts"

"la vite e je il content dai fortunâts, il malcontent dai disperâts"

"panze famentade, vite disperade"

"vite di jentrade, vite disperade"

Torna in Cima