Hai cercato la parola
monolingue
Torna indietro

monolingue

dissen s.m.
(dis-sen)
Rapresentazion fate cun segns e liniis
sinonimi
figure, ilustrazion, pipinot, schiç
esempi
"lis mestris a insegnavin tantis robis. A contavin flabis e storiis e a fasevin fâ i dissens sul cuader cui lapis colorâts"
da "Ombris tal infinît" di Carlo Sgorlon
"i dissens dal libri a son dal stes autôr, Antoine de Saint-Exupéry"
da "Interviste a Ivan Cecchini" di Dree Venier
Vedi anche: dissegn, disen, disegn
dissen s.m.
(dis-sen)
Ornament fat di liniis, figuris, soredut stampadis, spec., su stofe, cjarte e v.i.
sinonimi
figure, motîf
esempi
"ta chel a rivarin Brunhilde e Ingeborg. A vistivin des bielis tutis neris cun dai disens in rilêf"
da "Sense" di Checo Tam
dissen s.m.
(dis-sen)
Forme di alc che si viôt (fig.)
sinonimi
linie, forme, profîl
esempi
"si viodeve dome il dissen fat des ombrenis dai ramaçs di un olnâr"
da "Te vuate" di Michele Vuardianut Calligaris
"la zornade e jere clare come un veri, e si viodeve il dissen di ogni cjase, ancje la mê, piçule e nete come une miniature"
da "Il dolfin" di Carlo Sgorlon
dissen s.m.
(dis-sen)
Tecniche, art, materie di insegnament dal rapresentâ cun segns grafics
esempi
"o tornavi cjase aes cinc di sere, par po tornâ di gnûf a Sant Denêl, pe scuele serâl di dissen"
da "Interviste a Manlio Collavino" di Christian Romanin
dissen s.m.
(dis-sen)
Proponiment pal futûr (fig.)
sinonimi
fin, intenzion, progjet, program, volontât
esempi
"Rico al veve scoltade dute la storie di Gjino, i siei dissens lis sôs opinions sul mont, su la vite"
da "Il muc" di Roberto Ongaro
"un dissen di azion bisugne vêlu, di subit, ma si à di verificâ se al funzione e cemût che si à di corezilu par ordin"
da "Memoriis di politiche linguistiche" di Adrian Cescje
dissen s.m.
(dis-sen)
Complès, des carateristichis formâls che a dan une cierte impression, identitât, diferenziazion e v.i.
sinonimi
aspiet, design, linie, stîl
esempi
"il nestri vantaç competitîf al è simpri stât te cualitât, tal dissen, tal stîl, te afidabilitât, tes tecnologjiis specializadis, te flessibilitât, tes rêts"
da "Euro o no euro: isal chest il probleme?" di Patrizia Tiberi Vipraio
proverbi
"il timp e la muart a rompin i dissens"
Torna in Cima