SuperDizionari

disseparâ v.tr.
(dis-se-pa-râ)

Distacâ personis, robis, elements che a son unîts o insiemi o messedâts, o dividi in plui parts un element ugnul

sinonimi

separâ, dividi

esempi

""Tu no tu sarâs bessole! O sarai jo cun te!" "E se nol sarà cussì? Se Diu nus disseparerà: un a gjestre e chê altre a çampe?""

da "Il Trê di Avrîl di Ane" di Sandri Mucci

"o met a puest un grum di fotografiis di Cividât, che a son di agns platadis intun scansel. O scomenci a disseparâlis par argoments"

da "La acuile di Cividât" di Claudio Mattaloni

disseparâ v.tr.
(dis-se-pa-râ)

Stâ tal mieç di elements diviers, impedint che si unissin, che si messedin, che si confondin, che a sedin in comunicazion e v.i. (ancje fig.)

sinonimi

separâ, dividi

esempi

"no vêso pôre che cu la indipendence si tirin sù dai mûrs che us disseparin di chei altris?"

da "La Scozie su la strade pe autodeterminazion" di Carli Pup

"a plan tiere un stramieç di sgrisiole, al disseparave la cjamare dulà che durmive la mari"

da "Tomâs al cîr la veretât" di Renzo Balzan

disseparâ v.tr.
(dis-se-pa-râ)

Dividi concets, ideis e v.i.

sinonimi

distingui, dividi, separâ, dicerni, discriminâ

esempi

"il domini de teologjie e chel de fisiche no son stâts dome disseparâts in linie di principi, a son stâts disseparâts ancje inte pratiche cuotidiane e soredut intal lengaç"

da "Teologjie algjebriche" di Sergio Cecotti

"nol vûl nuie altri che pandi sígurecis elementârs, disseparant ce che al è bon dí ce che al è trist,"

da "Presentazion di Il sît di Diu" di Carlo Sgorlon

disseparâ v.tr.
(dis-se-pa-râ)

Produsi une distance, spec. psicologjiche o afetive, ancje une disconcuardie e v.i. (fig.)

sinonimi

separâ, dividi, slontanâ, dislontanâ

esempi

"Nita e alçà il cjâf dal lavôr e chel grop tal cuel no le lassave movi flât: chel tasê lis disseparave"

da "La aghe da pît la cleve" di Dino Virgili

monolingue