SuperDizionari

distint adi.
(dis-tint)

Che al à carateristichis par so cont

sinonims

diferent, diviers, diferenziât

esemplis

"la Europe e je daûr a unîsi partint di centris disferents; la sô politiche comune, ce plui ce mancul, e je paritarie e le dan dongje un grum di componentis distintis"

gjavât fûr di "Un puest te gnove Europe" di Mario Zili

"il strât atîf di cheste cele solâr al è fat di dôs sostancis distintis"

gjavât fûr di "Lis celis organichis nanostruturadis" di Lorenzo Marcolini

distint adi.
(dis-tint)

Che si viôt ben net

sinonims

clâr, definît, esat, intaiât, limpi, precîs

esemplis

"a dreta, un pôc lontana ma ben distinta, la fuarteça di Maran cu lis sôs muraiis e i soi turions plantâts dentri al font de la imensa laguna"

gjavât fûr di "Il me paîs" di Federigo Comelli

distint adi.
(dis-tint)

Che al à o che al mostre creance, finece, elegance, nobiltât e v.i.

sinonims

fin, finet, elegant

esemplis

"e jere cun so pari e sô mari, int distinte di citât"

gjavât fûr di "Par stradis lungjis" di Alan Brusini

"je une cjase distinte e gloriose, / ne storie del Friûl simpri famose, / là che regne bon cûr e cortesie"

gjavât fûr di "La malinconie" di Pieri Çorut

distint adi., s.m.
(dis-tint)

Spec. tal pl., in plateis, stadis e v.i., i puescj di li che si viôt ben, ancje se no son chei plui cjârs

esemplis

"tornâ a vê il bandieron cu la Acuile dal Friûl tai Distints centrâi"

gjavât fûr di "Il cûr de tifoserie dal Udin al bat par furlan" di Christian Romanin

distint adi., s.m.
(dis-tint)

[TS] (scol.) Grât di valutazion scolastiche parsore de suficience

esemplis

"schede di valutazion dai arlêfs dulà che la lenghe furlane e je valutade dongje di chês altris dissiplinis dal curriculum cuntun judizi sintetic (ottimo - otim, distinto - distint , buono - bon, sufficiente - suficient) o cun votazion numeriche"

gjavât fûr di "La tutele de lenghe furlane a scuele" di Patrizia Pavatti

monolengâl