Hai cercato la parola
monolingue
Torna indietro

monolingue

distribuzion s.f.
(dis-tri-bu-zi-on)
Il dâ fûr, il distribuî e il lôr risultât
esempi
"i zovins democristians a organizarin une distribuzion di volantins a chei che a jentravin inte sale cun intindiment denigratori viers la opare di Salvi"
da "Memoriis di politiche linguistiche" di Adrian Cescje
distribuzion s.f.
(dis-tri-bu-zi-on)
Complès di posizions e densitât di cierts elements
sinonimi
disposizion, logament, ordin, sistemazion
esempi
"si viôt che la scriture di dut il sfuei e je une vore vualive e che la distribuzion su la cjarte e à une concezion unitarie"
da "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin
"cheste specie [i sclops] no je tant difondude e la sô distribuzion in altitudin e je cjapade dentri fra i 1500 e i 2300 metris"
da "Dolomitis Furlanis. Lis vôs dal Cidin" di Luciano Gaudenzio, Michele Zanetti
"une reson di criticitât tai prins agns di introduzion dal furlan a scuele e je stade la distribuzion orarie tal curriculum scolastic des oris adizionâls di insegnament"
da "La tutele de lenghe furlane a scuele" di Patrizia Pavatti
distribuzion s.f.
(dis-tri-bu-zi-on)
[TS] (econ.) Complès des operazions comerciâls e di servizi che a puartin de produzion al consum
sinonimi
consegne, difusion, furnidure
esempi
"lis dimensions dai marcjâts, de organizazion des risorsis, dai sistemis di produzion e distribuzion dai prodots, des proprietâts e dai moviments di capitâl a scomençavin a jessi continentâls o ben globâls"
da "La Cjarte di Strasburc dal 1981. Une Risoluzion “storiche” e ancjemò di atualitât" di Marc Stolf
distribuzion s.f.
(dis-tri-bu-zi-on)
[TS] (mec.) Complès des operazions mecanichis che a regolin lis fasis dal cicli di un motôr termic
distribuzion s.f.
(dis-tri-bu-zi-on)
[TS] (stat.) Complès des frecuencis o probabilitâts che al è pussibil che si manifesti un ciert fenomen
distribuzion s.f.
(dis-tri-bu-zi-on)
[TS] (ling.) Ognidune des posizions che un ciert element linguistic al pues vê tune peraule o frase e rispiet a altris elements
esempi
"la categorie di POS [part dal discors] e je par solit la prime tant che il caratar plui di pês de peraule in cuistion cjalant la sô distribuzion sintatiche e semantiche inte lenghe"
da "Corpus linguistics" di Vladimir Petkevic
distribuzion s.f.
(dis-tri-bu-zi-on)
[TS] (fis.) Rapresentazion dal pês relatîf che a puedin vê i valôrs di une grandece carateristiche dai elements di un insiemi
distribuzion s.f.
(dis-tri-bu-zi-on)
[TS] (arch.) Il complès dai problemis che a rivuardin la ubicazion di edificis e ambients daûr de lôr destinazion
distribuzion s.f.
(dis-tri-bu-zi-on)
[TS] (fis.) Funzion matematiche che e rapresente la densitât di probabilitât di une o plui variabilis casuâls
Torna in Cima