Hai cercato la parola
monolingue
Torna indietro

monolingue

dovê s.m.
(do-vê)
Il jessi obleât a fâ alc, a compuartâsi intune cierte maniere e v.i., spec. par resons morâls o juridichis
sinonimi
assum, cefâ, compit, impegn, incombence
esempi
"sintî il dovê di fâ une opare di caritât"
da "I "resti"" di Pieri Somede dai Marcs
dovê s.m.
(do-vê)
Ce che si scuen fâ
esempi
"nol jere tal so caratar chel di mocâse par no frontâ i siei dovês"
da "Il muc" di Roberto Ongaro
"cuant che Bertin e la Marceline a partirin, lui ju benedî e ur ordenà: “Mi racomandi, fait il vuestri dovê”"
da "Cjase di Dalban" di Maria Forte
"al jere cence famee, cence afârs, ni oraris, ni dovês viers di nissun"
da "Par stradis lungjis" di Alan Brusini
"avalêsi dal insegnament de lenghe furlane [...] al è un dirit des fameis e un dovê des scuelis chel di dâ fûr chest insegnament"
da "Insegnament dal furlan – la norme “in situazion”: tra regulis e plan de ufierte formative" di Patrizia Pavatti
dovê s.m.
(do-vê)
Ce che si à di dâ, spec. in bêçs
sinonimi
debit, oblics, vê di dâ
esempi
"int, in sumis, che e lavorave no par alçâ il grum des palanchis, ma nome [...] par fâ front a la montagne dai dovês"
da "I furlans e i bêçs" di Riedo Pup
"la tiere buine e à dât il vivi al contadin e cun ce paiâ prediâl, fogatic, cuartês decimis, canui, regaliis e il dovê dal miedi, dal sartôr, dal fari, dal marangon"
da "La aghe da pît la cleve" di Dino Virgili
dovê s.m.
(do-vê)
Tal pl., in formulis di cortesie, tant che salût di rispiet
esempi
"i miei dovês a la parone"
dovê s.m.
(do-vê)
Tant che forme di cortesie, par dî che alc nol è un merit, che al jere naturâl fâlu
sinonimi
dibant, di nuie
esempi
""Graciis, ce zentîl!" "Dovê""
"o sin a sô disposizion, dotôr, nestri dovê"
da "I forescj" di Alan Brusini, Gian Paolo Linda
proverbi
"saludâ e je cortesie, rispuindi al salût al è un dovê"
Torna in Cima