SuperDizionari

dovê s.m.
(do-vê)

Il jessi obleât a fâ alc, a compuartâsi intune cierte maniere e v.i., spec. par resons morâls o juridichis

sinonims

assum, cefâ, compit, impegn, incombence

esemplis

"sintî il dovê di fâ une opare di caritât"

gjavât fûr di "I "resti"" di Pieri Somede dai Marcs

dovê s.m.
(do-vê)

Ce che si scuen fâ

esemplis

"nol jere tal so caratar chel di mocâse par no frontâ i siei dovês"

gjavât fûr di "Il muc" di Roberto Ongaro

"cuant che Bertin e la Marceline a partirin, lui ju benedî e ur ordenà: “Mi racomandi, fait il vuestri dovê”"

gjavât fûr di "Cjase di Dalban" di Maria Forte

"al jere cence famee, cence afârs, ni oraris, ni dovês viers di nissun"

gjavât fûr di "Par stradis lungjis" di Alan Brusini

"avalêsi dal insegnament de lenghe furlane [...] al è un dirit des fameis e un dovê des scuelis chel di dâ fûr chest insegnament"

gjavât fûr di "Insegnament dal furlan – la norme “in situazion”: tra regulis e plan de ufierte formative" di Patrizia Pavatti

dovê s.m.
(do-vê)

Ce che si à di dâ, spec. in bêçs

sinonims

debit, oblics, vê di dâ

esemplis

"int, in sumis, che e lavorave no par alçâ il grum des palanchis, ma nome [...] par fâ front a la montagne dai dovês"

gjavât fûr di "I furlans e i bêçs" di Riedo Pup

"la tiere buine e à dât il vivi al contadin e cun ce paiâ prediâl, fogatic, cuartês decimis, canui, regaliis e il dovê dal miedi, dal sartôr, dal fari, dal marangon"

gjavât fûr di "La aghe da pît la cleve" di Dino Virgili

dovê s.m.
(do-vê)

Tal pl., in formulis di cortesie, tant che salût di rispiet

esemplis

"i miei dovês a la parone"

dovê s.m.
(do-vê)

Tant che forme di cortesie, par dî che alc nol è un merit, che al jere naturâl fâlu

sinonims

dibant, di nuie

esemplis

""Graciis, ce zentîl!" "Dovê""

"o sin a sô disposizion, dotôr, nestri dovê"

gjavât fûr di "I forescj" di Alan Brusini, Gian Paolo Linda

monolengâl