Tu âs cirût la peraule
monolengâl
torne indaûr

monolengâl

esercit s.m.
(e-ser-cit)
Complès des fuarcis armadis di un stât, di une potence, di un condotîr e v.i.
sinonims
armade, fuarcis armadis
esemplis
"il comandant Boroeviç al vuidave l'esercit austriac e sentât alì parsore al cjalave ducj i combatiments"
gjavât fûr di "La sente di piere" di Checo Tam
"ca sù o vin cuasi dut l'esercit, o vin la stragrande maiorance des casermis, dai bunkers, dai staipins, des barachis ANAS, dai gjenerâi… "
gjavât fûr di "Lis mudantis tricolôr" di Riedo Pup
"o sin a Leipzig, dulà che lis fuarcis de Coalizion a àn drazât l'esercit di Napoleon"
gjavât fûr di "La maree nere" di Checo Tam
"ai 24 di Mai dal 1915 l'esercit talian al passe il confin, il grues dai soldâts imperiâi si à za ritirât su posizions plui facilis di difindi"
gjavât fûr di "La seconde Irlande" di Carli Pup
esercit s.m.
(e-ser-cit)
Fuarcis armadis di tiere
esemplis
"il comandant dal presidi al celebre vie pe matine la ocasion storiche glorificant i ats dal Esercit e de Marine"
gjavât fûr di "Felix Marchi, un soversîf de "Grande Vuere"" di Donato Toffoli
esercit s.m.
(e-ser-cit)
Grande cuantitât, soredut se e je intun ciert ordin (fig.)
sinonims
schirie, grum, sdrume, rie, teorie
esemplis
"aghis fermis e verdis di ca e di là de strade e un esercit di cjanis di palût e 'savis e crots"
gjavât fûr di "Come tai romançs" di Alan Brusini
"zucar intacât des furmiis e un esercit di butiliis di detersîf miezis plenis e miezis vueidis"
gjavât fûr di "Sic transit gloria mundi" di Checo Tam
torne sù