Hai cercato la parola
monolingue
Torna indietro

monolingue

estri s.m.
(es-tri)
Mût di stâ, di movisi, di fâ, aspiet che al da une cierte impression
sinonimi
ande, mût, maniere, tîr, arie, ciere
esempi
"a griule le puarte de nestre barache e, dismots di strabalç, a lampìn jentrâ un omenon cuntun estri forest"
da "Storie di Min" di Ivano Urli
estri s.m.
(es-tri)
Desideri o umôr improvîs, no spietât, ancje stramp, ma che al dure pôc
sinonimi
camofe, çurie, çurion, fumane, gri, jevade di cjâf, mateç, matetât, menade, meneuce, morbin, passion, pice, puntili, sbisiament, schiribiç, smanie, snaric, stoc, talent, tenticul, tic, tîr, uce, voie, volontât, capriç, fantasie, creste, strambarie
esempi
"Mario, dal moment, al veve sintût l'estri di cjarinâjai [i cjavei]"
da "Lilie" di Gianni Gregoricchio
estri s.m.
(es-tri)
Azion o moviment improvîs
sinonimi
mot, at, moviment
esempi
"Edo i veve taiadis di brut lis peraulis, cuntun estri de man"
da "La clape" di Gianni Gregoricchio
estri s.m.
(es-tri)
Ispirazion creative, artistiche, imagjinative e risultât di chê ispirazion
sinonimi
creativitât, fantasie, ispirazion, slanç, snait, talent, vene
esempi
"e cjantâ come la odule nissun / estri, forsi, nissune anime e po / la belece di cheste ore di Autun"
da "Su la tor" di Enrico Fruch
"ma se l'estri al cjate la vene par rivâ a saltâ fûr, ve che cul lavôr di fin chescj mestris a rivaran a fâi il bec ae moscje"
da "B123ST" di Raffaele Serafini
estri s.m.
(es-tri)
Predisposizion, abilitât e buine volontât tal fâ alc (fig.)
sinonimi
uce, snait
esempi
"cui che al veve estri al leve a pescje e a cjace, par puartâ a cjase alc di bon di tocjâ cu la polente"
da "Faliscjis" di Cristina Noacco
Torna in Cima