Hai cercato la parola
monolingue
Torna indietro

monolingue

etât s.f.
(e-tât)
Cuantitât di agns contâts tacant de nassite
esempi
"o jeri rivât ancje a dîs agns e, a chê etât, in chê volte, bisugnave scomençâ «a movi il poleâr, a viodi di ce bande che e ven», a disevin…"
da "A scuele" di Pieri Menis
"tal curtîl, platât intun cjanton, al è un armelinâr in flôr. Al à la etât de cjase, su la cincuantine, che a son anons, tratantsi di un armelinâr"
da "Beput Cinisiti" di Ivano Urli
etât s.f.
(e-tât)
Fase de vite umane
sinonimi
ete
esempi
"ognidun di nô al pues cjapâsi cure di se, se al manten une vite ative in dutis lis etâts scomençant di fruts insù"
da "Metiti in moto!" di Guglielmo Pitzalis
"al à fîs in etât di scuele"
da "Scuele vierte. Par dut, par ducj ma no pal furlan" di Marc Stolf
"a une cierte etât [indevant cui agns], si à un fregul di pudôr dai propris sintiments, tant plui se si à pôre che a vegnin ridûts"
da "Cretevierte" di Roberto Ongaro
"al veve une etât dificilute, di passaç"
da "Pre Pitin" di Antoni Beline
etât s.f.
(e-tât)
Dade di timp che e forme une unitât dilunc de storie, caraterizade o di une cierte culture, dinamiche, dominazion, autoritât e v.i.
sinonimi
ete, epoche, ere, periodi
esempi
"il guvier augusteu de Italie nol tocjà chê sume di ampliis autonomiis citadinis che e rimontave ae etât republicane"
da "La invenzion dal stât" di Fabian Ros
etât s.f.
(e-tât)
[TS] (paletnol.) Cuntune determinazion dongje, dade di timp caraterizade di une cierte fase de evoluzion de ativitât umane
sinonimi
ete
esempi
"la dade di timp che e lee il Neolitic e la etât dal bronç, che si date plui o mancul tor la metât dal III mileni, si clame Eneolitic"
da "Protostorie e storie romane in Friûl" di AAVV
etât s.f.
(e-tât)
[TS] (gjeol.) Cuntune determinazion dongje, division di une epoche, che in stratigrafie e corispuint al plan
sinonimi
ete
esempi
"a Nord dal Cuarnan al è il Clap dal Agnel, un spiç di cret di dolomie di etât noriche (plui di 200 milions di agns)"
proverbi
"dulà che si passe la etât biele ogni piere a fevele"
"la etât a fâs l'om"
"la etât e costume ducj"
"la malizie e cres cu la etât"
Torna in Cima