Hai cercato la parola
monolingue
Torna indietro

monolingue

fabriche s.f.
(fa-bri-che)
Implant di produzion industriâl
sinonimi
implant, industrie, lusine, stabiliment, manifature
esempi
"Guglielmo Delser e i siei fradis a screin la fabriche di biscotuts, tal 1893"
da "Il Risorziment a Martignà" di Elio Varutti
"cjalait chê fabriche, i siei capanons di veri a sflandorin a la lûs dal soreli, al è il capitâl, chel capitâl che in cualunche maniere e sot cualunche non, no si podarà mai dissipâ"
da "Un pugn di moscjis" di Pieri Somede dai Marcs
"gno pari al fâs il saldadôr intune vecje fabriche, dulà che a son cragne, fum e pôcs bêçs"
da "Sul florî" di AAVV
Vedi anche: frabiche
fabriche s.f.
(fa-bri-che)
Costruzion, soredut grande
sinonimi
costruzion, imobil, lûc, sît, edifici
esempi
"o pues rimirâ a bocje viarte, come i ocats, cheste frabiche [il palaç ducâl di Vignesie] che e rapresente une des maraveis dal universo"
da "Viaç a Vignesie" di Arturo Feruglio
"chista puora citât [Aquilee] al fo tormentada; cui gji de il sachegjo, cui la brusà, cui dirocà lis fabrichis plui bielis e plui ricjis"
da "Il me paîs" di Federigo Comelli
fabriche s.f.
(fa-bri-che)
Lavôr par fâ sù une grande costruzion, pal solit religjose o publiche
sinonimi
cantîr
esempi
"nol fo indificil par chel muredôr - che o varês za nasât che al jere Cudicj! - meti sù la fabriche [pal puint a Cividât]"
da "Il puint dal Diaul" di Josef Cjargnel
"la basiliche de Sagrada Familia, une fabriche scomençade tal 1884 e no san nancje cuant che e finirà"
da "Sant Jacum, là che al finìs il mont" di Antoni Beline
fabriche s.f.
(fa-bri-che)
[TS] (dir.can.) Struture materiâl di une canoniche, glesie o di altri lûc sacri
fabriche s.f.
(fa-bri-che)
[TS] (stor.) Tasse o opare obleade, cu la finalitât di tirâ sù un edifici di interès public
proverbi
"al vûl un brâf mestri a stimâ une fabriche"
"bisugne sei da la art par stimâ une fabriche"
"dut si fâs pe fabriche dal pitic"
"par decidi di une fabriche al vûl un mestri"
Torna in Cima