Tu âs cirût la peraule
monolengâl
torne indaûr

monolengâl

fadie s.f.
(fa-di-e)
Sfuarç fisic o inteletuâl che al fâs jessi stracs
sinonims
impegn, sfuarç
esemplis
"no si cjamine ni par tiere, ni sul cret, ma sui lens, sui ramaçs colâts e lâts fraits. Une fadie di chês!"
gjavât fûr di "I ribei" di Alan Brusini
"puar Meni, tante fadie che i costave la Comunion di Pasche, par vie dal dizun di miezegnot incà"
gjavât fûr di "Meni Elar" di Riedo Pup
fadie s.f.
(fa-di-e)
Sensazion di jessi strac, par vie dal lavôr fat
sinonims
cuete, scuniment, scanade, strache, strachece, stracherie, strachetât, stracure, sfiniment
esemplis
"Menie e stave daûr ai lavôrs cence sintî la fadie"
gjavât fûr di "La fie çuete" di Maria Forte
"al jere pôc ce dî, Milie cuant che si meteve, no cognosseve fadie"
gjavât fûr di "Si disarès che e je inventade" di Pieri Menis
fadie s.f.
(fa-di-e)
Ativitât che e domande sfuarç fisic e inteletuâl
sinonims
lavôr, opare, travai, vore
esemplis
"so fi al jere pront par scomençâ a frontâ lis primis fadiis sot paron"
gjavât fûr di "Il muc" di Roberto Ongaro
"restade vedue cun cinc fîs, cu lis sôs fadiis ju à nudrîts e mantignûts"
gjavât fûr di "La mulinarie" di Catarine Percude
fadie s.f.
(fa-di-e)
[TS] (tecn.) Cundizion di un materiâl sometût a une cjame o a un sfuarç sprolungjâts, che al à di rezi in gracie de sô tignince
sinonims
sfuarç
fadie s.f.
(fa-di-e)
[TS] (med.) Cundizion patologjiche marcade dal mudâ de rese dal organisim o di un so orghin sometût a esercizi masse sprolungjât
detulis
"a fâi la barbe al mus, si piert timp e fadie"
"ce che al ven cence fadie, in pôc timp ancje al va vie"
"cul timp e la fadie si madressin i gnespui"
"cul timp e la fadie si madurìs la int"
"e je une grant fadie a fâ il siôr e cence vê nie"
"la plui grande fadie e je di fâje intindi a cui che nol vûl capîle"
"no vûl grant fadie a fâ il coion"
"ogni fadie e merte premi"
"ogni principi al coste fadie"
torne sù