Hai cercato la parola
monolingue
Torna indietro

monolingue

fadie s.f.
(fa-di-e)
Sfuarç fisic o inteletuâl che al fâs jessi stracs
sinonimi
impegn, sfuarç
esempi
"no si cjamine ni par tiere, ni sul cret, ma sui lens, sui ramaçs colâts e lâts fraits. Une fadie di chês!"
da "I ribei" di Alan Brusini
"puar Meni, tante fadie che i costave la Comunion di Pasche, par vie dal dizun di miezegnot incà"
da "Meni Elar" di Riedo Pup
fadie s.f.
(fa-di-e)
Sensazion di jessi strac, par vie dal lavôr fat
sinonimi
cuete, scuniment, scanade, strache, strachece, stracherie, strachetât, stracure, sfiniment
esempi
"Menie e stave daûr ai lavôrs cence sintî la fadie"
da "La fie çuete" di Maria Forte
"al jere pôc ce dî, Milie cuant che si meteve, no cognosseve fadie"
da "Si disarès che e je inventade" di Pieri Menis
fadie s.f.
(fa-di-e)
Ativitât che e domande sfuarç fisic e inteletuâl
sinonimi
lavôr, opare, travai, vore
esempi
"so fi al jere pront par scomençâ a frontâ lis primis fadiis sot paron"
da "Il muc" di Roberto Ongaro
"restade vedue cun cinc fîs, cu lis sôs fadiis ju à nudrîts e mantignûts"
da "La mulinarie" di Catarine Percude
fadie s.f.
(fa-di-e)
[TS] (tecn.) Cundizion di un materiâl sometût a une cjame o a un sfuarç sprolungjâts, che al à di rezi in gracie de sô tignince
sinonimi
sfuarç
fadie s.f.
(fa-di-e)
[TS] (med.) Cundizion patologjiche marcade dal mudâ de rese dal organisim o di un so orghin sometût a esercizi masse sprolungjât
proverbi
"a fâi la barbe al mus, si piert timp e fadie"
"ce che al ven cence fadie, in pôc timp ancje al va vie"
"cul timp e la fadie si madressin i gnespui"
"cul timp e la fadie si madurìs la int"
"e je une grant fadie a fâ il siôr e cence vê nie"
"la plui grande fadie e je di fâje intindi a cui che nol vûl capîle"
"no vûl grant fadie a fâ il coion"
"ogni fadie e merte premi"
"ogni principi al coste fadie"
Torna in Cima