Hai cercato la parola
monolingue
Torna indietro

monolingue

fantasie s.f.
(fan-ta-si-e)
Facoltât di figurâsi tal pinsîr alc di ispirât ae realtât o inventât di plante fûr
sinonimi
estri, imagjinative, pensative, vene
esempi
"si sa, i siums no costin un solt e alore, lôr doi, a davin cuarde ae fantasie"
da "Il muc" di Roberto Ongaro
"par no ruvinâsi il sintiment, e svolâ masse cu la fantasie, al è miôr, inaloris, navigâ tiere tiere, e capî chel che si rive a capî"
da "Viaç a Vignesie" di Arturo Feruglio
fantasie s.f.
(fan-ta-si-e)
Robe imagjinade, no reâl, suposizion fûr dai fats e des provis
sinonimi
bufule, bale, flabe, insumieç, stoc, strolegament, sium, sflocje, fanferie
esempi
"veretât o fantasie che e sedi, cui puedial zurâlu?"
da "La caroce di aur di Sant Martin" di Josef Cjargnel
"siums e scuviertis che a sclopin, cul zirâ plui imburît dal sanc, a baticûr, tun tarlupâ di fantasiis vivis e di sens turbits"
da "La aghe da pît la cleve" di Dino Virgili
fantasie s.f.
(fan-ta-si-e)
Idee o atitudin capriçose
sinonimi
camofe, çurie, çurion, estri, gri, jevade di cjâf, mateç, matetât, menade, meneuce, morbin, passion, pice, schiribiç, snaric, stoc, fote, tenticul, tic, tîr, uce, creste, strambarie, capriç, matierie
esempi
"al veve miôr dal sigûr une vite dure, cence fantasiis, cence fotis pluitost che une vite comude e sbrendulone"
da "O sielç lis stelis" di Pieri Somede dai Marcs
"a pene che si vierç la pussibilitât di resonâ suntun sisteme unic di scrivi par furlan, si scjadenin lis fantasiis plui strambis"
da "Memoriis di politiche linguistiche" di Adrian Cescje
fantasie s.f.
(fan-ta-si-e)
Complès siôr di formis, colôrs, suns o altris elements che a impressionin i sens, dâts dongje in maniere naturâl o par creazion e decorazion
sinonimi
armonie, conciert, sinfonie, dissen, bilisie
esempi
"vâs di canelons in butul e basili fresc sui barcons, emolârs florîts, svoi di cisilis sui cjamps a grandis strissis di zâl lusint di ravice o di ros infogât dal cerfuei in flôr: dut une grande fantasie di colôrs sot un cîl trasparent come un lambri"
da "Clâr e scûr" di Pieri Somede dai Marcs
"une nêf minudine, glaçuline [...] si tacave sui mûrs e sui lens in maraveose fantasie di ricams"
da "11 di Fevrâr 1929" di Pieri Somede dai Marcs
fantasie s.f.
(fan-ta-si-e)
[TS] (mus.) In musiche, une composizion strumentâl in forme libare
fantasie adi.inv.
(fan-ta-si-e)
Cun dissens e colôrs vivarôs
esempi
"une golarine fantasie"
"une cotule fantasie"
Torna in Cima