SuperDizionari

monolengâl

fidâsi v.pron.intr.
(fi-dâ-si)

Vê sperance, cuntune cierte sigurece e volontât, che cdn. si compuartarâ intune cierte maniere o che alc al sucedarà intune cierte maniere

sinonims

crodi, infidâsi, fâ stât

esemplis

"il cont Rote di Sant Vît dal Tiliment, che par vie di feminis al veve ereditade dute la robe dai conts Bertui, fidantsi di lui [...] lu veve nomenât so agjent"

gjavât fûr di "Pre Josef" di Pieri Somede dai Marcs

"e sintive che e podeve fidâsi, e che chel om, jentrât in ponte di pîts inte sô vite, al jere la uniche persone che e podeve e che e voleve dâi une man"

gjavât fûr di "Il sium di Lissandri" di Franca Mainardis

fidâsi v.pron.intr.
(fi-dâ-si)

Vê il cûr, l'ardiment di fâ alc

sinonims

olsâ, infidâsi, permetisi

esemplis

"no mi fidi masse a lâ vie di bessôl"

gjavât fûr di "Viaç a Vignesie" di Arturo Feruglio

"no si jere mai slontanât tant; si jere simpri fermât tai paîs des culinis, no si jere mai fidât a vignî tant injù"

gjavât fûr di "Cretevierte" di Roberto Ongaro

fidâsi v.pron.intr.
(fi-dâ-si)

Meti se stes te cundizion di dipendi cun fiducie di cdn. o di alc

sinonims

abandonâsi, racomandâsi, rimetisi, avodâsi

esemplis

"al à superât chel dolôr imens tornant a fidâsi a lui [a Diu]"

gjavât fûr di "Peraule di vite: Dio cun nô" di Letizia Magri, Franca Mainardis

Viôt ancje: afidâsi

detulis

"al è plui ce fidâsi dal cjan che al baie che no di chel che al tâs"

"crodii a ducj e no fidâsi di nissun"

"fidâsi di ducj e di nissun"

"fiditi di pôcs e vuarditi di ducj"

"no stâ fidâti di chei che a tirin jù i sants in glesie"

"no stâ fidâti di cui che al è sant in glesie e diaul in cjase"

"no stâ fidâti di cui che no si fide"

"no stâ fidâti tai sants che a cjiin"

"nol è ce fidâsi di cui che al è sant in glesie e diaul in cjase"

torne sù