Hai cercato la parola
monolingue
Torna indietro

monolingue

fidâsi v.pron.intr.
(fi-dâ-si)
Vê sperance, cuntune cierte sigurece e volontât, che cdn. si compuartarâ intune cierte maniere o che alc al sucedarà intune cierte maniere
sinonimi
crodi, infidâsi, fâ stât
esempi
"il cont Rote di Sant Vît dal Tiliment, che par vie di feminis al veve ereditade dute la robe dai conts Bertui, fidantsi di lui [...] lu veve nomenât so agjent"
da "Pre Josef" di Pieri Somede dai Marcs
"e sintive che e podeve fidâsi, e che chel om, jentrât in ponte di pîts inte sô vite, al jere la uniche persone che e podeve e che e voleve dâi une man"
da "Il sium di Lissandri" di Franca Mainardis
fidâsi v.pron.intr.
(fi-dâ-si)
Vê il cûr, l'ardiment di fâ alc
sinonimi
olsâ, infidâsi, permetisi
esempi
"no mi fidi masse a lâ vie di bessôl"
da "Viaç a Vignesie" di Arturo Feruglio
"no si jere mai slontanât tant; si jere simpri fermât tai paîs des culinis, no si jere mai fidât a vignî tant injù"
da "Cretevierte" di Roberto Ongaro
fidâsi v.pron.intr.
(fi-dâ-si)
Meti se stes te cundizion di dipendi cun fiducie di cdn. o di alc
sinonimi
abandonâsi, racomandâsi, rimetisi, avodâsi
esempi
"al à superât chel dolôr imens tornant a fidâsi a lui [a Diu]"
da "Peraule di vite: Dio cun nô" di Letizia Magri, Franca Mainardis
Vedi anche: afidâsi
proverbi
"al è plui ce fidâsi dal cjan che al baie che no di chel che al tâs"
"crodii a ducj e no fidâsi di nissun"
"fidâsi di ducj e di nissun"
"fiditi di pôcs e vuarditi di ducj"
"no stâ fidâti di chei che a tirin jù i sants in glesie"
"no stâ fidâti di cui che al è sant in glesie e diaul in cjase"
"no stâ fidâti di cui che no si fide"
"no stâ fidâti tai sants che a cjiin"
"nol è ce fidâsi di cui che al è sant in glesie e diaul in cjase"
Torna in Cima