SuperDizionari

flabe s.f.
(fla-be)

Conte de tradizion popolâr o ancje di autôr cun elements fantastics

sinonims

conte, storie

esemplis

"no crôt che ancjimò sein stadis racoltis chestis flabis, che son un prodot gjenuin de la critiche e de la fantasie popolâr; e tant par scomençâ, jo o 'nd metarai jù culì une che ai sintût a contâ su la rive dal Bût"

gjavât fûr di "Il prin gjat a Glemone" di Luigi Gortani

"co i eri frut ti mi contavis flabis, ti recuarditu?"

gjavât fûr di "I Turcs tal Friûl" di Pier Paolo Pasolini

"une biele liende inventade da un mestri di contâ flabis"

gjavât fûr di "La aghe da pît la cleve" di Dino Virgili

Viôt ancje: flame

flabe s.f.
(fla-be)

Robe che si dîs che e je inventade o false (fig.)

sinonims

bagule, bausie, bombe, bufule, buzare, cabule, conte, falope, fote, pancjanade, sflandocje, storie, sflocje, sflandogne, bale, naine, liende, invenzion, trombonade

esemplis

"e po une altre i menadôrs e i vuerîrs a scuegnin fâ: contâ la flabe de difese: che la vuere si fâs nome pe difese"

gjavât fûr di "Vitoriis e batostis" di Riedo Pup

flabe s.f.
(fla-be)

Situazion che e somee fûr de realtât, soredut par aspiets positîfs (fig.)

esemplis

"ma intant, lui al veve cjapât part a chê flabe, a chel scherç dal destin che i veve dât cualchi ore di padin"

gjavât fûr di "La tiere di Lansing" di Maria Forte

flabe s.f.
(fla-be)

Robe o persone che e ven cjacarade o ridude fûr (fig.)

sinonims

barzalete

esemplis

"e cussì e jere deventade la flabe insiliose dai fruts di ducj i borcs; che zuiant a zigavin a chel che al «stave sot»: "Ane Manat - cul cûl tal plat - cui pîts difûr - corimi daûr...""

gjavât fûr di "La aghe dal Ariul" di Maria Forte

monolengâl