SuperDizionari

flabe s.f.
(fla-be)

Conte de tradizion popolâr o ancje di autôr cun elements fantastics

sinonimi

conte, storie

esempi

"no crôt che ancjimò sein stadis racoltis chestis flabis, che son un prodot gjenuin de la critiche e de la fantasie popolâr; e tant par scomençâ, jo o 'nd metarai jù culì une che ai sintût a contâ su la rive dal Bût"

da "Il prin gjat a Glemone" di Luigi Gortani

"co i eri frut ti mi contavis flabis, ti recuarditu?"

da "I Turcs tal Friûl" di Pier Paolo Pasolini

"une biele liende inventade da un mestri di contâ flabis"

da "La aghe da pît la cleve" di Dino Virgili

Vedi anche: flame

flabe s.f.
(fla-be)

Robe che si dîs che e je inventade o false (fig.)

sinonimi

bagule, bausie, bombe, bufule, buzare, cabule, conte, falope, fote, pancjanade, sflandocje, storie, sflocje, sflandogne, bale, naine, liende, invenzion, trombonade

esempi

"e po une altre i menadôrs e i vuerîrs a scuegnin fâ: contâ la flabe de difese: che la vuere si fâs nome pe difese"

da "Vitoriis e batostis" di Riedo Pup

flabe s.f.
(fla-be)

Situazion che e somee fûr de realtât, soredut par aspiets positîfs (fig.)

esempi

"ma intant, lui al veve cjapât part a chê flabe, a chel scherç dal destin che i veve dât cualchi ore di padin"

da "La tiere di Lansing" di Maria Forte

flabe s.f.
(fla-be)

Robe o persone che e ven cjacarade o ridude fûr (fig.)

sinonimi

barzalete

esempi

"e cussì e jere deventade la flabe insiliose dai fruts di ducj i borcs; che zuiant a zigavin a chel che al «stave sot»: "Ane Manat - cul cûl tal plat - cui pîts difûr - corimi daûr...""

da "La aghe dal Ariul" di Maria Forte

monolingue