SuperDizionari

fulminâ v.tr.
(ful-mi-nâ)

Cjapâ cuntun folc

sinonimi

sfulminâ

esempi

"chês figuratis, che Dio lis fulmini!"

da "Un pugn di moscjis" di Pieri Somede dai Marcs

fulminâ v.tr.
(ful-mi-nâ)

Colpî o brusâ o copâ cuntune scjarie eletriche

sinonimi

brusâ, sfulminâ

esempi

"al à il pêl brusât sul pet. Nissune feride ni sanc. Di sigûr al è stât fulminât de fuarce eletriche"

da "Il dolfin" di Carlo Sgorlon

fulminâ v.tr.
(ful-mi-nâ)

Copâ sul colp (fig.)

sinonimi

copâ, dispicjâ, tirâ jù, secjâ, sfulminâ

esempi

"la sclopetade lu fulmine prime che al puedi dî un altri et"

da "Zaniboni al fâs centri" di Angelo Floramo

"un anemâl [il gjat] che al ere fat a pueste par fulminâ lis surîs"

da "Il prin gjat a Glemone" di Luigi Gortani

fulminâ v.tr.
(ful-mi-nâ)

Cjapâ di sorprese, o fâ impression, maravee, scatûr e v.i. (fig.)

sinonimi

sfulminâ

esempi

"la sô liriche mi veve fulminât fin dal principi, ma ancje la prose le cjatavi plene di rigôr e armonie"

da "L’inteletuâl furlan e la fuarce dal cûr" di Dree Valcic

fulminâ v.tr.
(ful-mi-nâ)

Cjalâ un cuntune voglade direte e cun intensitât (fig.)

sinonimi

sfulminâ

esempi

"po si voltave par fulminâmi cuntune cjalade che e jere un invît"

da "I forescj" di Alan Brusini, Gian Paolo Linda

monolingue