Hai cercato la parola
monolingue
Torna indietro

monolingue

gloti v.tr.
(glo-ti)
Mandâ jù tal stomi ce che si à in bocje
sinonimi
butâ jù, cjapâ, cjoli, glanzî, ingloti, mandà jù, parâ jù
esempi
"al bevè un cop di aghe e il grop dal cuel i lave sù e jù tal gloti"
da "La aghe da pît la cleve" di Dino Virgili
"e glot che ti glot, une butilie e jere za lade jù pal gargat cence visâsi "
da "Doi pizighets e un lari" di Pieri Menis
Vedi anche: glutî
gloti v.tr.
(glo-ti)
Stratignî une reazion (fig.)
sinonimi
butâ jù, mandâ jù, parâ jù, sopuartâ, stratignî, tignî dentri
esempi
"il cjapitani al jere jessût glotint lis blestemis che al veve in bocje"
da "Salvans su la Bivare" di Carli Pup
"se e pense ae mame [...] no rive a gloti lis lagrimis che i travanin i voi"
da "Storie di Vera" di Ivano Urli
gloti v.tr.
(glo-ti)
Acetâ, crodi a alc che al è fals, bausâr, fat par imbroiâ e v.i.
esempi
"sâstu ce ben che mi è lade? Le à glotude li par li, e inmò content. Cussì, par domenie, mi diliberi de incariche"
da "Il muc" di Roberto Ongaro
"lis cjacaradis otimistichis, che si fasin vuê daûr lis declarazions dal guvier nissun lis glot"
da "Il pietin e il grop" di Josef Marchet
gloti v.tr.
(glo-ti)
Ancje di elements inanimâts, tirâ jù, tirâ dentri fin a fâ sparî (fig.)
sinonimi
ingloti, subissâ, cjapâ dentri, cjapâ sot
esempi
"e jere come une cortine di nêf, come un univiers che al someave gloti il mio univiers"
da "Sense" di Checo Tam
"une volte o chê altre e vignarà une scosse [di taramot], ma une scosse di sdrumâ jù dut, di vierzi la tiere, di gloti il paîs"
da "Par stradis lungjis" di Alan Brusini
"al zeva via ridint che a pareva che al ves da strenzi il mont tai braçs e invessi a sa lu glutì la guera in Albania"
da "Il gorc di Grimau" di Novella Cantarutti
proverbi
"no si à di tirâ flât e gloti che e va pe scjavace"
"no si po gloti amâr e spudâ dolç"
"une femine ur fâs gloti clauts ai oms"
Torna in Cima