Tu âs cirût la peraule
monolengâl
torne indaûr

monolengâl

in pîts loc.av., loc.adi.inv.
Stant poiât sui pîts e dret, cence jessi sentât o distirât
sinonims
sù, dret
esemplis
""Che si comudi, signorine." "Stoi ben ancje in pîts jo""
gjavât fûr di "A ogni cost" di Vittorio Vittorello
"plui tart, cui strac di stâ in pîts, cui stuf di stâ a scoltâ, e scomençavin a sentâsi"
gjavât fûr di "La Madalene" di Zuan Lurinçon
Viôt ancje: impins
in pîts loc.av.
In verticâl, no poiât o no butât jù, no sdrumât e v.i.
sinonims
sù, dret
esemplis
"in chel al à poiât un pît sui dincj de sieste [dal ristiel]; di man vuarde, al si drece sù il mani in pîts e i mole une croste tal nâs"
gjavât fûr di "Al marcjât di Vile" di Luigi Gortani
"li cjasis plui vielis, che formavin il vecjo ghet dai abreos, li ja fati sparî la ultima vuera, l'è restada in pîts ancjimò cualchiduna par ricuardâigji ai gurissans, di vuê e di chei che vegnaran, se musuta che veva una volta la nostra Cossevia"
gjavât fûr di "La anima diliberada" di Ranieri Mario Cossâr
in pîts loc.av., loc.adi.inv.
Sveât e jevât sù dal jet
sinonims
sù, jevât
esemplis
"tal doman di matine, prime che al cricàs il dì, chê femine foreste e chel frut e jerin za in pîts"
gjavât fûr di "La fuiace de Madone" di Catarine Percude
in pîts loc.av., loc.adi.inv.
In vore, in funzion, in esistence e v.i.
sinonims
sù
esemplis
"lis provinciis, se e restaran in pîts in cualchi forme, si ridusaran al ufici di trasmeti pratichis ai orghins centrâi"
gjavât fûr di "Friûl orientâl e autonomie regjonâl" di Josef Marchet
in pîts loc.av., loc.adi.inv.
Che al à bisugne di une soluzion, di jessi frontât, di jessi finît e v.i.
sinonims
sù
esemplis
""[...] e je in pîts ancjemò la cuistion cu la int di Morsan di Strade. E àn vindût, sence vê il consens, chel che e àn boscât intai nestris boscs…""
gjavât fûr di "Strumîrs e Çambarlans" di Alviero Negro
detulis
"cui che al mangje in pîts al mangje par sîs, cui che al mangje in sente al mangje par trente"
"lune in pîts marinâr sentât, lune sentade marinâr in pîts"
"un sac vueit nol sta in pîts"
torne sù