SuperDizionari

indevant av.
(in-de-vant)

De bande che si cjale o che si va, te posizion o te direzion che e je in face de persone che e fevele o de persone o robe che e costituìs il pont di riferiment

sinonimi

indenant, devant, denant

esempi

"al va ancjemò indevant fin che al rive in Carintie"

da "I stupits" di Andreina Nicoloso Ciceri

"cui voi discocolâts e lis mans viertis indevant a parâsi de viste"

da "La aghe da pît la cleve" di Dino Virgili

"une superficie cuasi drete e inclinade indevant"

da "Notis di meteorologjie pal Friûl - Vignesie Julie" di Stefano Micheletti, Marcellino Salvador

indevant av., adi.inv.
(in-de-vant)

In posizion di vantaç o plui alte o prime intune classifiche

sinonimi

indenant, adalt, devant, denant, sù

esempi

"l'Udin al à sierât il campionât mancul indevant di ce che si sperave"

indevant adi.inv., av.
(in-de-vant)

Tal timp passât o che al ven prime di un ciert moment,

indevant adi.inv., av.
(in-de-vant)

Tal timp futûr o che al ven dopo di un ciert moment

indevant av.
(in-de-vant)

In complements di lûcs o di timp, par segnâ un tiermin di inizi

sinonimi

indenant, inlà

esempi

"il pitôr, da chel dì indevant, ve a sopuartâ il so stât cun rassegnazion, persuadintsi che la puaretât nol è po il plui grant mâl da la vita"

da "Il diau sul Studeniz" di Giovanni Luigi Filli

indevant adi.inv., av.
(in-de-vant)

Che al è za tacât e in part passât

sinonimi

plen, profont, tart, indenant

esempi

"l'Autun al jere indevant, penç di fumatis, di umiditât, di zornadis curtis e di gnots cence fin"

da "A ôr dal flum" di Franca Mainardis

indevant adi.inv., av.
(in-de-vant)

Dongje de conclusion, de realizazion e v.i.

sinonimi

a bon pont, indenant

esempi

"e je indevant la elaborazion dal plan pal svilup"

da "Si inviin lis UTI: ancjemò dut di viodi ce che al sarà" di Antonella Lanfrit

indevant adi.inv., av.
(in-de-vant)

Che al è o che al fâs alc in anticip

sinonimi

indenant, prin, prime

esempi

"o vin lavorât ben, o sin dôs setemanis indevant rispiet al program"

indevant adi.inv., av.
(in-de-vant)

Che al è a un nivel alt tal disvilup sociâl, economic, tecnologjic e v.i.

sinonimi

progredît, disvilupât, indenant, avanzât

esempi

"cumò il popul nol è tant indaûr che si puedi fâi cambiâ strade midiant di une barbarie rivoluzionarie, ni tant indevant che si lu puedi morestâ metintlu un pôc tal fen come lis gnespulis"

da "A scuele di autonomie" di Josef Marchet

"situazions une vore indevant te tutele come Catalogne e Gales"

da "Il destin dal furlan al è leât a la Europe" di Walter Tomada

indevant adi.inv., av.
(in-de-vant)

Orientât aes novitâts, ae inovazion, al progrès, ae modernitât (fig.)

sinonimi

gnûf, moderni, progressist, indenant, progredît, avanzât

esempi

"un pinsîr furlanist, particolâr, sclet e la plui part des voltis une vore indevant"

da ""Amôr di Patrie": lidrîs vivis" di Dree Venier

indevant adi.inv., av.
(in-de-vant)

Che al à une inteligjence svelte

sinonimi

indenant, inteligjent, sveât, svelt

esempi

"al è un frut indevant pe sô etât"

indevant s.m.
(in-de-vant)

[TS] (sport) Intal rugby, fal che al sta intal tirâ par indevant la bale cu lis mans

monolingue