SuperDizionari

monolengâl

induvinâ v.tr.
(in-du-vi-nâ)

Savê ce che al sucedarà tal avignî par virtût sorenaturâl o ancje par câs

sinonims

divinâ, previodi, strolegâ, pronosticâ, profetâ

esemplis

"e bute lis cjartis, e induvine l'avignî, e fâs fevelâ i muarts"

gjavât fûr di "Ursule" di Pieri Somede dai Marcs

Viôt ancje: indivinâ

induvinâ v.tr.
(in-du-vi-nâ)

Rivâ a capî, a savê alc za prime di vê ducj i elements par savêlu dal sigûr e par comprovâlu

sinonims

intuî, imbrucjâ, olmâ, nasâ, intivâ, imagjinâ, figurâ

esemplis

"o jeri usade a induvinâ dut ce che al pensave; a savê, prime che al viarzès la bocje, ce che al mi varès dite"

gjavât fûr di "Mariute" di Ercole Carletti

induvinâ v.tr.
(in-du-vi-nâ)

Percepî in maniere dome parziâl o velade

sinonims

intuî

esemplis

"si jere zirât, prin di voltâ vie pe strade di cjase sô, e al veve induvinât , tal scûr di velût, la figure di jê, ancjemò ferme dongje dal mûr"

gjavât fûr di "Îr e doman" di Gianni Gregoricchio

"il paîs là vie tal bas plui che viodilu si induvinavilu, cul so tor dret tal mieç come un vuardian"

gjavât fûr di "Sul agâr" di Pieri Menis

induvinâ v.tr.
(in-du-vi-nâ)

Fâ une sielte fortunade, cun bon sucès

sinonims

becâ, cjatâ, imbrucjâ, intivâ

esemplis

"la ricostruzion o vin di fâle nô; o vin dirit di induvinâle nô; o vin dirit di sbaliâle nô, no chei altris"

gjavât fûr di "Il Friûl taramotat al à bisugne di ducj, ma al à di aministrâsi di bessôl" di Francesc Placerean

detulis

"a pensâ mâl, tropis voltis si induvine"

torne sù