SuperDizionari

monolingue

induvinâ v.tr.
(in-du-vi-nâ)

Savê ce che al sucedarà tal avignî par virtût sorenaturâl o ancje par câs

sinonimi

divinâ, previodi, strolegâ, pronosticâ, profetâ

esempi

"e bute lis cjartis, e induvine l'avignî, e fâs fevelâ i muarts"

da "Ursule" di Pieri Somede dai Marcs

Vedi anche: indivinâ

induvinâ v.tr.
(in-du-vi-nâ)

Rivâ a capî, a savê alc za prime di vê ducj i elements par savêlu dal sigûr e par comprovâlu

sinonimi

intuî, imbrucjâ, olmâ, nasâ, intivâ, imagjinâ, figurâ

esempi

"o jeri usade a induvinâ dut ce che al pensave; a savê, prime che al viarzès la bocje, ce che al mi varès dite"

da "Mariute" di Ercole Carletti

induvinâ v.tr.
(in-du-vi-nâ)

Percepî in maniere dome parziâl o velade

sinonimi

intuî

esempi

"si jere zirât, prin di voltâ vie pe strade di cjase sô, e al veve induvinât , tal scûr di velût, la figure di jê, ancjemò ferme dongje dal mûr"

da "Îr e doman" di Gianni Gregoricchio

"il paîs là vie tal bas plui che viodilu si induvinavilu, cul so tor dret tal mieç come un vuardian"

da "Sul agâr" di Pieri Menis

induvinâ v.tr.
(in-du-vi-nâ)

Fâ une sielte fortunade, cun bon sucès

sinonimi

becâ, cjatâ, imbrucjâ, intivâ

esempi

"la ricostruzion o vin di fâle nô; o vin dirit di induvinâle nô; o vin dirit di sbaliâle nô, no chei altris"

da "Il Friûl taramotat al à bisugne di ducj, ma al à di aministrâsi di bessôl" di Francesc Placerean

proverbi

"a pensâ mâl, tropis voltis si induvine"

Torna in Cima