SuperDizionari

intervignî v.tr.
(in-ter-vi-gnî)

Fâ alc intun event o intune situazion par cirî di modificâle

sinonims

agjî

esemplis

"la direzion de radio no interven intes sieltis de redazion musicâl, e je la massime libertât"

gjavât fûr di "Un Friûl difarent: i 90 mhz di Onde Furlane" di Max Mauro

"o pierdi timp a tentâ di scjafoiâ lis consecuencis o tirâ sù lis maniis e intervignî cun coragjo e cun continuitât su lis causis"

gjavât fûr di "Delincuents si devente" di Riedo Pup

intervignî v.intr.
(in-ter-vi-gnî)

Jessi presint di persone

sinonims

assisti, cjapâ part, jessi presint, partecipâ, vignî

esemplis

"al è stât content de int di Gargagnà Disore, che in chestis fiestis e je «intervignude cun insolite frecuence a dutes les funzions» dissal lui, tal so dialet"

gjavât fûr di "Lis predicjis dal muini" di Josef Marchet

intervignî v.intr.
(in-ter-vi-gnî)

Fâ une azion armade, partecipâ a un conflit

esemplis

"par parâju vie [i vuerilîrs di al-Qaeda dal Maghreb Islamic] al jere cussì intervignût ancje l’esercit francês cu la poie di diviers stâts africans"

gjavât fûr di "Azawad: manifestazion de diaspore a Parîs pal autoguvier" di Carli Pup

intervignî v.intr.
(in-ter-vi-gnî)

Fâ un intervent chirurgjic

sinonims

operâ

esemplis

"o ai scugnût intervignî suntune sô vene pôcs dîs prime che al murìs"

gjavât fûr di "Interviste a Amato De Monte" di Christian Romanin

monolengâl