SuperDizionari

intonazion s.f.
(in-to-na-zi-on)

[CO] (mus.) L'intonâ, l'intonâsi e il lôr risultât, soredut di un strument musicâl o di plui struments musicâi o di plui vôs corâls tra di lôr

esemplis

"o voi petant cun lui cualchi cjantade / e cuant che vin cjatât la intonazion, / lui di Tebaldo al fâs, jo di Isoline"

gjavât fûr di "Il mio cjan" di Pieri Çorut

intonazion s.f.
(in-to-na-zi-on)

(ling.) Modulazion des altecis tonâls intal produsi i suns di une lenghe

esemplis

"la notazion prosodiche si interesse de marcadure de prosodie dal test fevelât cun tant di acent, intonazion, pausis e v.i."

gjavât fûr di "Corpus linguistics" di Vladimir Petkevic

"il talian invezit [par formâ lis domandis] nol dopre la sintassi ma dome une intonazion divierse"

gjavât fûr di "Se tu sâs il furlan tu imparis l’inglês!" di Franco Finco

intonazion s.f.
(in-to-na-zi-on)

Maniere di fevelâ che e pant une cierte espression

esemplis

""Ce fasino po?" al sberlà cualchidun suntun cjar di mieç; e al slungjà fûr il cuel a cucâ. Co al lupà la frascje, al saltà jù, mudade intonazion: "Ah, al è ce bevi!""

gjavât fûr di "La aghe da pît la cleve" di Dino Virgili

"il contignût des peraulis al podeve someâ stiçât, ma no si olmave nissune uce inte intonazion de sô vôs"

gjavât fûr di "Altris contis di famee" di Raffaele Serafini

intonazion s.f.
(in-to-na-zi-on)

Caratar di un scrit, di un discors e v.i. (fig.)

sinonims

ande

esemplis

"dutis canzonetis lizeris o periculosis, parcè che dutis di intonazion amorose o erotiche o sensuâl"

gjavât fûr di "La fabriche dai predis" di Antoni Beline

intonazion s.f.
(in-to-na-zi-on)

Variazion di colôr (fig.)

sinonims

tonalitât, gradazion, ton, at

esemplis

"ros e vert. turchin e viole / in milante gradazions; / ogni femine, ogni fiole / à trê cuatri intonazions"

gjavât fûr di "Vivi e lassâ vivi" di Fonso Deperis

"une raiade di soreli e rive a foropâ il nûl di borascje, fasint slusî tal lôr vert svareât di mil intonazions lis monts"

gjavât fûr di "Vitis in Cjargne e misteris tal cûr" di Renzo Balzan

intonazion s.f.
(in-to-na-zi-on)

Maniere di cumbinâsi di plui elements tra di lôr (fig.)

sinonims

armonie, cumbinazion

esemplis

"Luisa e sunave: lis spalis e i riçots bionts jù pe schene, i braçs crots, dut il so cuarpesel scarmulin a jerin tune intonazion perfete cul saltuçâ de musiche"

gjavât fûr di "La aghe da pît la cleve" di Dino Virgili

monolengâl