Tu âs cirût la peraule
monolengâl
torne indaûr

monolengâl

jessî v.intr.
(je-ssî)
Lâ fûr di un lûc sierât o delimitât, spec. cu la indicazion di chest lûc o di chel che si va
sinonims
vignî fûr, lâ fûr, saltâ fûr
esemplis
"cuant che al tornave indaûr, al incrosà Rita e Ricardo che a jessivin di cjase in chel moment"
gjavât fûr di "Prime di sere" di Carlo Sgorlon
"ma soi serât in cjamera, / ai metût doi armarons / e un comodìn / denant la puarta. / [...] /Defour de la puarta / i me clamava ducj: / "Jes! Jes!""
gjavât fûr di "La nâf spaziâl" di Federico Tavan
"barbe Meni, tant vieli aromai che nol jesseve plui dal jet"
gjavât fûr di "Amîs come prime" di Alan Brusini
Viôt ancje: jessi, jessjî, issî, issjî, essî, essjî
jessî v.intr.
(je-ssî)
Lâ fûr di cjase, massime par straviâsi
sinonims
vignî fûr, lâ fûr
esemplis
"Gjelmo, il prin fradi, al jevà sù, al le a meti la gjachete di fieste e si invià pal troi dal Ronc. E jere la prime sere che al jesseve dopo cene"
gjavât fûr di "La division" di Dino Virgili
jessî v.intr.
(je-ssî)
No fâ plui part di un grup
sinonims
lâ fûr, lâ vie, partî, slontanâsi
esemplis
"[Baracêt] al è stât cussì fedêl aes sôs posizions che ae fin al anteponeve la furlanetât al so jessi di partît, e par chest al è jessût dai Ds"
gjavât fûr di "La vie furlane al socialisim" di Walter Tomada
jessî v.intr.
(je-ssî)
Lâ a vivi bessôl o metint sù famee, ma indipendente di chê dai gjenitôrs
esemplis
"la grande part dai siei fradis a son di un pieç za jessûts"
gjavât fûr di "Storie di Vera" di Ivano Urli
jessî v.intr.
(je-ssî)
No stâ dentri intun ambit, intune competence, intun argoment e v.i. (fig.)
sinonims
lâ fûr
esemplis
"une part de leç regjonâl e je stade scancelade par vie che e jesseve des competencis de regjon stesse"
jessî v.intr.
(je-ssî)
Finî di stâ intune cierte situazion o cundizion (fig.)
sinonims
saltâ fûr, vignî fûr, gjavâsi, gjavâsi fûr
esemplis
"al veve cirût di jessî de frustrazion esistenziâl dal isolament che al veve sopuartât in dute la sô vite"
gjavât fûr di "Memoriis di politiche linguistiche" di Adrian Cescje
"a pensin di vê fat jessî il Friûl dal provincialisim cun Zico"
gjavât fûr di "O cun Zico o cence Zico" di Riedo Pup
jessî v.intr.
(je-ssî)
Finî une istruzion, une formazion e v.i.
sinonims
vignî fûr, saltâ fûr
esemplis
"al jessì de Academie cul grât di uficiâl di artiliarie e cul titul di inzegnîr"
gjavât fûr di "Zuan Batiste Cavedalis - Une vite esemplâr" di Giovanni Pillinini
jessî v.intr.
(je-ssî)
Jessi descrit
sinonims
vignî fûr, saltâ fûr, risultâ
esemplis
"il Friül che al jes de puisie di Pasulin, e scrîf Dreine Ciceri, al à un savor antîc di Beozie nieviane"
gjavât fûr di "Leterature gnove dal Friûl" di Dino Virgili
jessî v.intr.
(je-ssî)
Sucedi, rivâ tant che conclusion, consecuence e v.i.
sinonims
vignî fûr, saltâ fûr, risultâ
esemplis
"chel che al jes des elezions pal Parlament catalan [...] al è un cuadri avonde complès"
gjavât fûr di "Paîs Catalans: doi tierçs dal Parlament pe indipendence" di Carli Pup
"a tignivin a passi par cualchi mês ad an mo une bestie mo une altre di cualchidun dal paîs, di mût che cualchi scudiele di lat, cualchi pigne di spongje e cualchi bocon di formadi a jessevin"
gjavât fûr di "La vacje" di Meni Ucel
jessî v.intr.
(je-ssî)
Vê une cierte origjin
sinonims
vignî, vignî fûr, saltâ fûr
esemplis
"[i patriarcjis] a jessivin di potentis fameis feudâls de Gjermanie"
gjavât fûr di "Cuintristorie dal Friûl fin sot la Italie" di Josef Marchet
jessî v.intr.
(je-ssî)
Vignî fûr di bocje, jessi pronunziât
sinonims
vignî fûr
esemplis
"lis peraulis a jessivin une a une, cun fadie"
gjavât fûr di "Il muc" di Roberto Ongaro
jessî v.intr.
(je-ssî)
Dî o fâ alc di no spietât, spec. se nol jere il câs (coloc.)
sinonims
dâ sù, saltâ fûr, saltâ sù, scrocâ fûr
esemplis
"cuant che e mancjave mieze ore dal timp che o podevin stâ in chê sale, Ardizzone al è jessût cu la propueste di aprovâ il statût di une associazion provisorie"
gjavât fûr di "Memoriis di politiche linguistiche" di Adrian Cescje
"chel altri al jessì intune ridade"
gjavât fûr di "Trê feminis" di Gianni Gregoricchio
"cuant che al zuiave di cjartis ta la ostarie, par esempli, se il compagn al jesseve cun cualchi cjarte che a so judizi no jere chê juste: «Mondo can! Mondo birbo!», al urlave"
gjavât fûr di "Mondo birbo" di Meni Ucel
jessî v.intr.
(je-ssî)
Intune lotarie o in altris zûcs, jessi pescjât o zuiât
sinonims
saltâ fûr, vignî fûr, vignî, vignî sù
esemplis
"se al jes il siet o fâs tombule"
jessî v.intr.
(je-ssî)
Di un libri, un gjornâl, un articul e v.i., vignî publicât
sinonims
saltâ fûr, vignî fûr
esemplis
"tal 1949 al jes Il Tesaur, riviste direte di Gianfranco D'Aronco"
gjavât fûr di "Leterature furlane" di Cristina Cescutti
"in croniche, e jere jessude la gnove dal incident"
gjavât fûr di "Cidulis" di Gianfranco Pellegrini
jessî v.intr.
(je-ssî)
Jessi produsût o vendût
sinonims
lâ fûr, vignî fûr
esemplis
"ogni an a jessevin 1 milion e 300 braçs di tele, cence contâ lis piecis di cjanaipe e lis telis pes velis des nâfs"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
jessî v.intr.
(je-ssî)
Vignî spindût
sinonims
saltâ fûr, vignî fûr, lâ fûr, lâ vie
esemplis
"milions e miliarts a jessin ogni dì des cassis dal Stât"
gjavât fûr di "Di vicin e di lontan" di Josef Marchet
jessî v.intr.
(je-ssî)
[TS] (sport) Intal balon, dal portîr, lâ incuintri al balon par parâlu slontanantsi de rie de puarte
esemplis
"il gol laziâl al rive in maniere confusionade, cuntun cross che, cun Brkič che al jes mâl de puarte, al bat su la schene di Lazzari e al finìs tal sac"
gjavât fûr di "Udinese – Lazio 2-3" di Marc Stolf
jessî v.intr.
(je-ssî)
[TS] (inform.) Interompi la esecuzion di un program o smeti di doprâ un ambient operatîf par trasferî il control a un altri
sinonims
lâ fûr
detulis
"cuant che il lôf al jes dal so foran, o che al à sêt o che al à fam"
"joibe vignude setemane jessude, ma cui che nol à ce mangjâ al à trê dizuns di contâ"
"joibe vignude, setemane jessude; ma cui che nol à ce mangjâ al à trê disons di contâ"
"la fam a fâs jessi il lôf de tane"
"par dut Avrîl no jessî dal covîl"
"se tu ti tais un dêt, al jes sanc"
torne sù