Hai cercato la parola
monolingue
Torna indietro

monolingue

jessî v.intr.
(je-ssî)
Lâ fûr di un lûc sierât o delimitât, spec. cu la indicazion di chest lûc o di chel che si va
sinonimi
vignî fûr, lâ fûr, saltâ fûr
esempi
"cuant che al tornave indaûr, al incrosà Rita e Ricardo che a jessivin di cjase in chel moment"
da "Prime di sere" di Carlo Sgorlon
"ma soi serât in cjamera, / ai metût doi armarons / e un comodìn / denant la puarta. / [...] /Defour de la puarta / i me clamava ducj: / "Jes! Jes!""
da "La nâf spaziâl" di Federico Tavan
"barbe Meni, tant vieli aromai che nol jesseve plui dal jet"
da "Amîs come prime" di Alan Brusini
Vedi anche: jessi, jessjî, issî, issjî, essî, essjî
jessî v.intr.
(je-ssî)
Lâ fûr di cjase, massime par straviâsi
sinonimi
vignî fûr, lâ fûr
esempi
"Gjelmo, il prin fradi, al jevà sù, al le a meti la gjachete di fieste e si invià pal troi dal Ronc. E jere la prime sere che al jesseve dopo cene"
da "La division" di Dino Virgili
jessî v.intr.
(je-ssî)
No fâ plui part di un grup
sinonimi
lâ fûr, lâ vie, partî, slontanâsi
esempi
"[Baracêt] al è stât cussì fedêl aes sôs posizions che ae fin al anteponeve la furlanetât al so jessi di partît, e par chest al è jessût dai Ds"
da "La vie furlane al socialisim" di Walter Tomada
jessî v.intr.
(je-ssî)
Lâ a vivi bessôl o metint sù famee, ma indipendente di chê dai gjenitôrs
esempi
"la grande part dai siei fradis a son di un pieç za jessûts"
da "Storie di Vera" di Ivano Urli
jessî v.intr.
(je-ssî)
No stâ dentri intun ambit, intune competence, intun argoment e v.i. (fig.)
sinonimi
lâ fûr
esempi
"une part de leç regjonâl e je stade scancelade par vie che e jesseve des competencis de regjon stesse"
jessî v.intr.
(je-ssî)
Finî di stâ intune cierte situazion o cundizion (fig.)
sinonimi
saltâ fûr, vignî fûr, gjavâsi, gjavâsi fûr
esempi
"al veve cirût di jessî de frustrazion esistenziâl dal isolament che al veve sopuartât in dute la sô vite"
da "Memoriis di politiche linguistiche" di Adrian Cescje
"a pensin di vê fat jessî il Friûl dal provincialisim cun Zico"
da "O cun Zico o cence Zico" di Riedo Pup
jessî v.intr.
(je-ssî)
Finî une istruzion, une formazion e v.i.
sinonimi
vignî fûr, saltâ fûr
esempi
"al jessì de Academie cul grât di uficiâl di artiliarie e cul titul di inzegnîr"
da "Zuan Batiste Cavedalis - Une vite esemplâr" di Giovanni Pillinini
jessî v.intr.
(je-ssî)
Jessi descrit
sinonimi
vignî fûr, saltâ fûr, risultâ
esempi
"il Friül che al jes de puisie di Pasulin, e scrîf Dreine Ciceri, al à un savor antîc di Beozie nieviane"
da "Leterature gnove dal Friûl" di Dino Virgili
jessî v.intr.
(je-ssî)
Sucedi, rivâ tant che conclusion, consecuence e v.i.
sinonimi
vignî fûr, saltâ fûr, risultâ
esempi
"chel che al jes des elezions pal Parlament catalan [...] al è un cuadri avonde complès"
da "Paîs Catalans: doi tierçs dal Parlament pe indipendence" di Carli Pup
"a tignivin a passi par cualchi mês ad an mo une bestie mo une altre di cualchidun dal paîs, di mût che cualchi scudiele di lat, cualchi pigne di spongje e cualchi bocon di formadi a jessevin"
da "La vacje" di Meni Ucel
jessî v.intr.
(je-ssî)
Vê une cierte origjin
sinonimi
vignî, vignî fûr, saltâ fûr
esempi
"[i patriarcjis] a jessivin di potentis fameis feudâls de Gjermanie"
da "Cuintristorie dal Friûl fin sot la Italie" di Josef Marchet
jessî v.intr.
(je-ssî)
Vignî fûr di bocje, jessi pronunziât
sinonimi
vignî fûr
esempi
"lis peraulis a jessivin une a une, cun fadie"
da "Il muc" di Roberto Ongaro
jessî v.intr.
(je-ssî)
Dî o fâ alc di no spietât, spec. se nol jere il câs (coloc.)
sinonimi
dâ sù, saltâ fûr, saltâ sù, scrocâ fûr
esempi
"cuant che e mancjave mieze ore dal timp che o podevin stâ in chê sale, Ardizzone al è jessût cu la propueste di aprovâ il statût di une associazion provisorie"
da "Memoriis di politiche linguistiche" di Adrian Cescje
"chel altri al jessì intune ridade"
da "Trê feminis" di Gianni Gregoricchio
"cuant che al zuiave di cjartis ta la ostarie, par esempli, se il compagn al jesseve cun cualchi cjarte che a so judizi no jere chê juste: «Mondo can! Mondo birbo!», al urlave"
da "Mondo birbo" di Meni Ucel
jessî v.intr.
(je-ssî)
Intune lotarie o in altris zûcs, jessi pescjât o zuiât
sinonimi
saltâ fûr, vignî fûr, vignî, vignî sù
esempi
"se al jes il siet o fâs tombule"
jessî v.intr.
(je-ssî)
Di un libri, un gjornâl, un articul e v.i., vignî publicât
sinonimi
saltâ fûr, vignî fûr
esempi
"tal 1949 al jes Il Tesaur, riviste direte di Gianfranco D'Aronco"
da "Leterature furlane" di Cristina Cescutti
"in croniche, e jere jessude la gnove dal incident"
da "Cidulis" di Gianfranco Pellegrini
jessî v.intr.
(je-ssî)
Jessi produsût o vendût
sinonimi
lâ fûr, vignî fûr
esempi
"ogni an a jessevin 1 milion e 300 braçs di tele, cence contâ lis piecis di cjanaipe e lis telis pes velis des nâfs"
da "Liniis di storie sociâl e economiche dal Friûl 1500 – 1800" di Adrian Cescje
jessî v.intr.
(je-ssî)
Vignî spindût
sinonimi
saltâ fûr, vignî fûr, lâ fûr, lâ vie
esempi
"milions e miliarts a jessin ogni dì des cassis dal Stât"
da "Di vicin e di lontan" di Josef Marchet
jessî v.intr.
(je-ssî)
[TS] (sport) Intal balon, dal portîr, lâ incuintri al balon par parâlu slontanantsi de rie de puarte
esempi
"il gol laziâl al rive in maniere confusionade, cuntun cross che, cun Brkič che al jes mâl de puarte, al bat su la schene di Lazzari e al finìs tal sac"
da "Udinese – Lazio 2-3" di Marc Stolf
jessî v.intr.
(je-ssî)
[TS] (inform.) Interompi la esecuzion di un program o smeti di doprâ un ambient operatîf par trasferî il control a un altri
sinonimi
lâ fûr
proverbi
"cuant che il lôf al jes dal so foran, o che al à sêt o che al à fam"
"joibe vignude setemane jessude, ma cui che nol à ce mangjâ al à trê dizuns di contâ"
"joibe vignude, setemane jessude; ma cui che nol à ce mangjâ al à trê disons di contâ"
"la fam a fâs jessi il lôf de tane"
"par dut Avrîl no jessî dal covîl"
"se tu ti tais un dêt, al jes sanc"
Torna in Cima