Hai cercato la parola
monolingue
Torna indietro

monolingue

jevâ v.tr.
(je-vâ)
Puartâ adalt o fâ stâ sù, adalt o in posizion verticâl
sinonimi
alçâ, tirâ sù
esempi
"si infrontave cu lis gjambis a larc, al jevave il Crist une altre volte, si inviave [...], al rivave, di bessôl, a picjâlu ogni volte tal so puest"
da "Vigji Strassanît" di Riedo Pup
Vedi anche: levâ
jevâ v.tr.
(je-vâ)
Sveâ, fâ che cdn. nol stedi plui a durmî
sinonimi
sveâ, dismovi
esempi
"la piçule o voi a jevâle jo, e tu no stâ lâ sù a dismovile"
da "La tiere di Lansing" di Maria Forte
jevâ v.tr.
(je-vâ)
Puartâ vie cdn.
sinonimi
cjoli, cjapâ, puartâ, butâ
esempi
"cuant che il plevan e il muini a son passâts pal borc par lâ a jevâ la muarte, no àn incuintrât un cjan"
da "La int" di Pieri Menis
jevâ v.tr.
(je-vâ)
Fâ che alc al vegni sù di tiere, al svoli
sinonimi
burî, burî sù, tirâ sù
esempi
"al jere un sec e un polvar che la int te strade a cjaminavin fof jevant a ogni pas nûi di pulvin"
da "Come tai romançs" di Alan Brusini
jevâ v.tr.
(je-vâ)
[TS] (venat.) Di cjan di cjace, cjatâ un uciel e fâ che al svoli in maniere che il cjaçadôr al puedi trai (ancje ass.)
sinonimi
burî, burî sù, burî fûr
esempi
"al è un cjan che nol vâl nuie par jevâ"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
jevâ v.tr.
(je-vâ)
Tignî insù
sinonimi
alçâ, tirâ sù
esempi
"i vosave come a un cjan e al jevave la man par aiar come il cjastì di Diu su Caìn"
da "Trê feminis" di Gianni Gregoricchio
"i ôcs a jevavin dome il cjâf e a cjalavin in sbighet, cence pôre"
da "I ôcs di Miute" di Maria Forte
jevâ v.tr.
(je-vâ)
Dî, pronunziâ con solenitât o daûr di une musiche
sinonimi
alçâ
esempi
"dut il mont al jevi il cjant al Signôr trê voltis sant"
da "Domenie II "vie pal an"" di Glesie Furlane
jevâ v.tr.
(je-vâ)
[BF] Judâ a nassi un frut
sinonimi
cjapâ sù
esempi
"cui lui aie jevât chest frut"
da "Storiutis di îr e di vuê" di Maria Gioitti del Monaco
jevâ v.tr.
(je-vâ)
Fâ nassi, cressi, fâ in mût che si sintin i efiets di alc (fig.)
sinonimi
movi, dismovi, stiçâ, saborâ
esempi
"o ai jevade la cuistion e ur ai fate la mê propueste"
da "Memoriis di politiche linguistiche" di Adrian Cescje
jevâ v.intr.
(je-vâ)
Tirâsi sù impins
sinonimi
jevâ sù, jevâsi, jevâsi sù, alçâsi, dreçâsi
esempi
"[l'avocat che al jere sentât] al jeve, si volte viers dal procuradôr"
da "Vieri e gnûf" di Pieri Piçul
jevâ v.intr.
(je-vâ)
Dal soreli, de lune e di altris cuarps celescj, vignî sù de linie dal orizont
sinonimi
jevâsi, nassi, dâ sù, cricâ, vignî sù
esempi
"cuant che al criche il dì, il soreli al jeve par ducj"
da "Storie di Min" di Ivano Urli
"je jevade la biele stele, / son trê oris devant dì. / Sdrindulaitle chê bambinute / che si torni a indurmidî"
da "" di Popolâr
jevâ v.intr.
(je-vâ)
Di uciei, tacâ a svolâ
sinonimi
partî, petâ il svol, jevâsi, jevâ il svol
esempi
"i sturnei a jevin in cîl a scjaps une vore grancj"
"lui al ti netave di polvar jeurs e cuais e parfin i becanots tal palût che a jevin sù a vueu come fusetis strambis"
da "Par stradis lungjis" di Alan Brusini
jevâ v.intr.
(je-vâ)
Di alc di imateriâl, nassi, deventâ plui grant, fâ sintî il so pês e v.i. (fig.)
esempi
"al vûl plui impegn par fâ jevâ il turisim intal Friûl de Alte"
da "Grancj events sì, ma al vûl plui impegn par fâ jevâ il turisim intal Friûl de Alte" di Redazion La Patrie dal Friûl
"a jevavin tes bancjis i conts des Compagniis"
da "La lune te stele" di Gianfranco Pellegrini
jevâ v.intr.
(je-vâ)
Cressi di volum pe fermentazion produsude dal levan
sinonimi
cressi, dâ sù, sglonfâsi
esempi
"la Not dai Muarts a ere une femine che a veve metût a jevâ il pan di forn (pan di cjase), cirche dîs pans e intant a ere vignude miezenot"
da "A trei pas di distance..." di Manuela Quaglia
jevâ v.tr.
(je-vâ)
[BF] Tirâ vie,
esempi
"buliva il mâr plui furiôs, la aria no veva riten. [...] Si derin premura i doi umin di calâ chel straç [di vele] e jevâ il pâl che tigniva lûc di arbul [de barcje]"
da "Il me paîs" di Federigo Comelli
"e fasint a madame un compliment / da lis spalis i jeve il tabarin"
da "Pronostic del 1827" di Pieri Çorut
"se al cjatave une buine cristiane ur varès jevât tancj fastidis"
da "Cjase di Dalban" di Maria Forte
proverbi
"cui che al jeve al piert la siele, cui che si sente si comede"
"il soreli al jeve par ducj"
"il soreli al jeve pardut"
"jeve solt e sente bêç"
"nol conte jevâ adore, baste rivâ su la ore"
"se a Sant Bartolomiu al jeve il soreli clâr, o vin zulugne prin dai Sants"
Torna in Cima