Tu âs cirût la peraule
monolengâl
torne indaûr

monolengâl

lâ ator loc.v.
Movisi in maniere indefinide, ancje in plui puescj,cun cualchi fin o ancje pal plasê di fâlu, cence nissun fin precîs
sinonims
lâ in zîr, lâ intor, zirâ
esemplis
"chei di Glemone a molarin fûr une cumission par che a las ator a studiâ lis usancis e i progrès dei altris paîs"
gjavât fûr di "Il prin gjat a Glemone" di Luigi Gortani
"cuissà! Se lis robis no fossin ladis cussì… se in chê sere de sagre… se in chê sere de sagre, o fossin restâts li a zuiâ la tombule jo e jê, invezit di lâ ator…"
gjavât fûr di "Il cop" di Laurin Zuan Nardin
lâ ator loc.v.
Ancje di alc di inanimât o imateriâl, vê difusion
sinonims
circolâ, cori ator, lâ in zîr, lâ intor, zirâ
esemplis
"in paîs a jerin ladis ator tantis vôs sul cont de sô feride, si diseve che al varès sigûr pierdude la gjambe"
gjavât fûr di "Sul agâr" di Pieri Menis
lâ ator loc.v.
In costruzions cun infinît o gjerundi e verps tant che dî, contâ e v.i., par segnâ che la azion e je ripetude e indefinide
esemplis
"chei omenuts pôc di sest che a van ator disint che lôr a son galantoms"
gjavât fûr di "Ocjo di no pintîsi" di Riedo Pup
lâ ator loc.v.
Deventâ mat, pierdi lis capacitâts di resonâ o di visâsi lis robis o compuartâsi in maniere irazionâl o assurde (ancje iperb.)
sinonims
lâ ator cul cjâf, lâ ator cu la cassele, lâ ator cu la melonarie, lâ fûr cul cjâf, lâ fûr cu la cassele
esemplis
""Puare vecje, tu vâs ator, tu, ve!""
gjavât fûr di "Amôr in canoniche" di Bruno Paolo Pellarini
detulis
"cul lâ ator di gnot si cole tal poç"
"la blesteme a va ator siet agns e po e torne a colâ su par cui che le da"
torne sù