Tu âs cirût la peraule
monolengâl
torne indaûr

monolengâl

leât adi.
(le-ât)
Tignût dongje cun alc che al lee
sinonims
ingropât, strent, tacât
esemplis
"un colomp al vignive gjavât de scjaipule, furnît de sô cjartute leade a une talpe, e po molât"
gjavât fûr di "Cjase di Dalban" di Maria Forte
"tun pac leât cul spali, al veve cjatadis lis cjartis des confraternitis dal paîs"
gjavât fûr di "Par stradis lungjis" di Alan Brusini
leât adi.
(le-ât)
Che al à un rapuart di afiet cun cdn. o cun alc. (fig.)
sinonims
afezionât, tacât, unît
esemplis
"là jù e cjatave i nevôts che i fasevin fieste, tant leâts a jê"
gjavât fûr di "Cjase di Dalban" di Maria Forte
"al è za un confuart podê fâlu [il contrat di vendite] cun voaltris che ae braide dal Cuelat o sês leâts come me"
gjavât fûr di "La tiere di Lansing" di Maria Forte
leât adi.
(le-ât)
Che al à a ce fâ cun cdn. o cun alc altri
esemplis
"propuestis simpri plui zovinis o fatis di zovins, e mancul leadis ae tradizion"
gjavât fûr di "Un Friûl difarent: i 90 mhz di Onde Furlane" di Max Mauro
leât adi.
(le-ât)
Cjapât, condizionât, limitât di un oblic, di une circostance, di une autoritât e sim. (fig.)
sinonims
obleât
esemplis
"al jere leât a un zurament di fedeltât"
gjavât fûr di "Il dolfin" di Carlo Sgorlon
"se il destin dal Friûl al à di restâ leât cun chel di Triest, o sin dal gjat"
gjavât fûr di "Sot di nissun" di Josef Marchet
"leçs provisoriis, leadis ai capricis e a lis lunis de Cjamare dai Deputâts"
gjavât fûr di "Fieste finide" di Josef Marchet
leât adi.
(le-ât)
Pôc sfrancjât (fig.)
sinonims
dûr, imberdeât, intrigât, pesant
esemplis
"e veve benzà la lenghe leade, che si intartaiave ogni moment"
gjavât fûr di "Cun pocje spese..." di Pieri Somede dai Marcs
"il frut al jemplave la cjase di se e de sô vosine di arint cu lis peraulis leadis, e al sicave ae udinese"
gjavât fûr di "La aghe da pît la cleve" di Dino Virgili
leât adi.
(le-ât)
Di zoie, tignude dentri intun anel o intun metal
esemplis
"un anel cun leât un brilant"
detulis
"ancje une fassine se e je ben leade e pâr une regjine"
"il ben e il mâl al sta leât al pâl"
torne sù