SuperDizionari

lengaç s.m.
(len-gaç)

Facoltât di fevelâ, di esprimisi midiant di suns articolâts e razionâi

sinonims

fevele, peraule

esemplis

"il lengaç, prodot de abilitât di meti adun simbui fonetics, al devi seisi evolût intun cu la necessitât di cooperâ in societâts che a deventavin simpri plui articoladis "

gjavât fûr di "La evoluzion su la tiere. Une storie di competizion e cooperazion" di Angelo Vianello

lengaç s.m.
(len-gaç)

Sisteme di esprimisi e di comunicâ midiant di suns articolâts e razionâi, di peraulis, daûr di regulis condividudis di une comunitât

sinonims

fevele, lenghe, idiome

esemplis

"la storie di ducj i lengaçs, vîfs e muarts, nus insegne che par salvâ il furlan di une muart sigure [...] al è nome un rimiedi e nome un mieç: fâlu insegnâ tes scuelis"

gjavât fûr di "Dome un rimiedi par salvâ il furlan: insegnâlu tes scuelis" di Josef Marchet

"i fornasîrs [furlans] e la compagnie dai todescs, strade fasint, a cjacaronavin ognun tal so lengaç, sclopant ogni tant in ridadonis"

gjavât fûr di "Tal bosc di Kebespok" di Pieri Menis

lengaç s.m.
(len-gaç)

Modalitât particolâr di doprâ une lenghe

sinonims

fevelâ, fevele, idiome, lenghe, zerc

esemplis

"la filosofie e la sience, jentradis intune profonditât di cuistions indulà che la fole no rive, a scuegnin creâsi un lôr lengaç particolâr"

gjavât fûr di "Ma sì, fevelìn di glotologjie" di Josef Marchet

"une carateristiche necessarie di ogni lengaç tecnic sientific e je la rigorose univocitât semantiche de sô terminologjie"

gjavât fûr di "Par une terminologjie in lenghe furlane" di Franco Finco

lengaç s.m.
(len-gaç)

[TS] (semiol.) Il doprâ un cualsisei codiç di segns, ancje no naturâi, che al prodûs e al ordene une comunicazion

esemplis

"mi plâs pensâ che a sedin i prins segnâi dal tornâ a un lengaç figurâl o almancul ideogramatic"

gjavât fûr di "Il brevet" di Mario Turello

lengaç s.m.
(len-gaç)

[TS] (inform.) Ogni insiemi di stringhis di simbui, gjeneradis di un vocabolari finît, cun regulis sintatichis finidis, ricorsivis

esemplis

"sistemis multiagjents programâts cun lengaçs di programazion “a vincui”"

gjavât fûr di "Gotis di sience 1" di Cristina Minuzzo

lengaç s.m.
(len-gaç)

Capacitât o pussibilitât di cualsisei element animât o inanimât di produsi sintiments e disveâ emozions, di comunicâ informazions e v.i. (fig.)

esemplis

"il paisaç al è une forme di lengaç un grum complicât e alore bisugne cjatâ lis formis di leture buinis"

gjavât fûr di "Studi da la evoluzion dal paisaç mediant i toponims" di Rino Gubiani

"la nature mi fevele cul lengaç de sô bielece"

gjavât fûr di "Amîs come prime" di Alan Brusini

monolengâl