Hai cercato la parola
monolingue
Torna indietro

monolingue

lengaç s.m.
(len-gaç)
Facoltât di fevelâ, di esprimisi midiant di suns articolâts e razionâi
sinonimi
fevele, peraule
esempi
"il lengaç, prodot de abilitât di meti adun simbui fonetics, al devi seisi evolût intun cu la necessitât di cooperâ in societâts che a deventavin simpri plui articoladis "
da "La evoluzion su la tiere. Une storie di competizion e cooperazion" di Angelo Vianello
lengaç s.m.
(len-gaç)
Sisteme di esprimisi e di comunicâ midiant di suns articolâts e razionâi, di peraulis, daûr di regulis condividudis di une comunitât
sinonimi
fevele, lenghe, idiome
esempi
"la storie di ducj i lengaçs, vîfs e muarts, nus insegne che par salvâ il furlan di une muart sigure [...] al è nome un rimiedi e nome un mieç: fâlu insegnâ tes scuelis"
da "Dome un rimiedi par salvâ il furlan: insegnâlu tes scuelis" di Josef Marchet
"i fornasîrs [furlans] e la compagnie dai todescs, strade fasint, a cjacaronavin ognun tal so lengaç, sclopant ogni tant in ridadonis"
da "Tal bosc di Kebespok" di Pieri Menis
lengaç s.m.
(len-gaç)
Modalitât particolâr di doprâ une lenghe
sinonimi
fevelâ, fevele, idiome, lenghe, zerc
esempi
"la filosofie e la sience, jentradis intune profonditât di cuistions indulà che la fole no rive, a scuegnin creâsi un lôr lengaç particolâr"
da "Ma sì, fevelìn di glotologjie" di Josef Marchet
"une carateristiche necessarie di ogni lengaç tecnic sientific e je la rigorose univocitât semantiche de sô terminologjie"
da "Par une terminologjie in lenghe furlane" di Franco Finco
lengaç s.m.
(len-gaç)
[TS] (semiol.) Il doprâ un cualsisei codiç di segns, ancje no naturâi, che al prodûs e al ordene une comunicazion
esempi
"mi plâs pensâ che a sedin i prins segnâi dal tornâ a un lengaç figurâl o almancul ideogramatic"
da "Il brevet" di Mario Turello
lengaç s.m.
(len-gaç)
[TS] (inform.) Ogni insiemi di stringhis di simbui, gjeneradis di un vocabolari finît, cun regulis sintatichis finidis, ricorsivis
esempi
"sistemis multiagjents programâts cun lengaçs di programazion “a vincui”"
da "Gotis di sience 1" di Cristina Minuzzo
lengaç s.m.
(len-gaç)
Capacitât o pussibilitât di cualsisei element animât o inanimât di produsi sintiments e disveâ emozions, di comunicâ informazions e v.i. (fig.)
esempi
"il paisaç al è une forme di lengaç un grum complicât e alore bisugne cjatâ lis formis di leture buinis"
da "Studi da la evoluzion dal paisaç mediant i toponims" di Rino Gubiani
"la nature mi fevele cul lengaç de sô bielece"
da "Amîs come prime" di Alan Brusini
proverbi
"la bausie e je il lengaç dal diaul"
"ogni maridaç il so lengaç, ogni marideç il so peteç"
Torna in Cima