Hai cercato la parola
monolingue
Torna indietro

monolingue

lenghe s.f.
(len-ghe)
Orghin muscolâr une vore mobil che al è dentri de bocje che al fâs i moviments par judâ a mastiâ, a gloti, a fevelâ
esempi
"al veve fate une polse, passantsi la lenghe sui lavris, che dut chest fevelâ, a lui, i suiave la bocje"
da "Trê feminis" di Gianni Gregoricchio
"lis peraulis impastadis fra lenghe e cîl de bocje a fasevin fature a dismolâsi fûr"
da "Fadie come ale" di Maria Forte
lenghe s.f.
(len-ghe)
Chel orghin, speç di manç, preparât tant che robe di mangjâ
esempi
"doi grancj di bire scure e doi zardinetos di persut, socol, lenghe salmistrade, mortadele, salam, ulivis e saradelis nus confuartin"
da "Viaç a Vignesie" di Arturo Feruglio
"e sul misdì une fruce di suplîsi: / mostardis, cape, lenghe, macarons, / e cjars e roscj e dindis di scunîsi"
da "Nadâi" di Meni Ucel
lenghe s.f.
(len-ghe)
Ce che al à une forme slungjade (fig.)
sinonimi
striche, ponte
esempi
"lis flamis a balin, si ingropin, si slungjin e une lenghe di fûc e varès voie di tocjâ la lune"
da "Faliscjis" di Cristina Noacco
"il bosc di Viea poât uì ta chê lenga di cret che a si strenç via fin che a deventa sutila che al passa justa un om"
da "I cjans di not" di Novella Cantarutti
lenghe s.f.
(len-ghe)
Sisteme di espression e di comunicazion midiant des peraulis, daûr di regulis condividudis di une comunitât
sinonimi
fevele, idiome, lengaç
esempi
"la sede Rai di Bolzan [...] e ufrìs tal so palinsest informazion e programs tes lenghis taliane, todescje e ladine"
da "La lenghe furlane tai mieçs di comunicazion" di Erika Adami
"un paîs [la Austrie] che nol veve pôre des lenghis dal popui e no 'nt scjafoiave nissune"
da "I furlans e la Austrie" di Riedo Pup
lenghe s.f.
(len-ghe)
Tal pl., complès di lengaçs forescj modernis, tant che dissipline di studi e facoltât universitarie
esempi
"in Fevrâr dal 1971 i students di Lenghis a ocupin la sede de lôr facoltât e a organizin une manifestazion par “disveâ il Consorzi pal svilup dai studis universitaris” di Udin"
da "Il fotogram mancjant. Un Friûl cence memorie storiche audiovisive" di Fabian Ros
lenghe s.f.
(len-ghe)
Il fevelâ di une persone, cuntune cierte espression, intenzion, forme, creance e v.i.
esempi
"è une buine femine, ma a 'nd à cualchi volte propit di bielis, cui le ten cun chê lenghe, e je cussì tichine che no ducj le sopuartaressin"
da "Vilie di Nadâl" di Pieri Somede dai Marcs
"mê mari no veve la tristerie maline di lui. Ma par ustinazion e lenghe di rasôr i stave a pâr"
da "Trê feminis" di Gianni Gregoricchio
"perdonait la lenghe sclete di Vigji Scuete!"
da "Lis predicjis dal muini" di Josef Marchet
proverbi
"a tignî i dincj denant de lenghe, al è simpri un bon consei"
"al è miôr sbrissâ cul pît che no cu la lenghe"
"ce che no si à in cûr, si à in lenghe"
"ce che si à in cûr si à di vê in lenghe"
"cui che al à in cûr al à in lenghe"
"dulà che il dint al dûl la lenghe e trai"
"i bûs si ju lee pe cjavece, i oms pe lenghe"
"il fevelâ pulît nol scortee la lenghe"
"il Signôr nus vuardi des tristis lenghis"
"il vin i da fuarce a la lenghe e ur e cjol a lis gjambis"
"ind cope plui la lenghe che no la spade"
"la buine femine e à di vê: braç di açâl, panze di furmie e lenghe scjampe vie"
"la femine e à di vê braçs di açâl, panze di furmie e lenghe scjampe vie"
"la lenghe a bat dulà che il dint al dûl"
"la lenghe de femine a je lungje tant che la Tresemane"
"la lenghe des feminis e je come lis fuarpiis: o che a taie o che e sbuse"
"la lenghe e je fate par fevelâ"
"la lenghe e je il plui bon bocon e il plui trist"
"la lenghe e je la arme des feminis"
"la lenghe e je la spade des feminis"
"la lenghe e je plui spiçade di un cjaveli"
"la lenghe e onç, il dint al ponç"
"la lenghe no à vues ma ju fâs rompi"
"la lenghe no à vues ma si fâs dâ sul dues"
"la lenghe no à vues ma tant e cûs e e ponç"
"la lenghe no à vues ni ponte ma tant e taie e a cûs"
"la lenghe no je mai strache se no sa di vacje"
"mieze la robe e sta sot de lenghe"
"miôr sbrissâ cul pît che no cu la lenghe"
"no stâ meti la lenghe là che no ti tocje"
"pariti lenghe se no ti tai"
"plui piçul al è il cûr des feminis, plui lungje la lenghe"
"pluitost che fevelâ mâl, taiâsi la lenghe"
"prin di maridâsi siet braçs e une lenghe, daspò maridadis siet lenghis e un braç"
"se la lenghe e tâs, la panze e patìs"
"un cjâf cence lenghe al è nome di fâ brût"
"un cjâf cence lenghe al servìs par maçuele"
"un cjâf cence lenghe nol vâl nuie"
"vûstu vê pâs in famee, cusii la lenghe a la femine"
Torna in Cima