Tu âs cirût la peraule
monolengâl
torne indaûr

monolengâl

ligrie s.f.
(li-gri-e)
Il vê o il dâ umôr legri, contentece vive e lizere
sinonims
bontimp, bon umôr, contentece, felicitât, fraie, gaiosetât, gjonde, gjubialitât, glorie, legrece
esemplis
"il Carnevâl al veve metût sbrendui e ligrie aduès ae zoventût dal borc, che si bandonave a matetâts"
gjavât fûr di "La cotule di none Betilde" di Maria Forte
"il frut, lôr fi. Vê un frut, Signôr, al è un miracul: di deventâ mats di ligrie!"
gjavât fûr di "La aghe da pît la cleve" di Dino Virgili
"ce vite che si mene, no une ore di ligrie, no une peraule di bontât, di afiet"
gjavât fûr di "Gnot di Nadâl" di Pieri Somede dai Marcs
"[par comprâ goloseçs] no si trate di fam: si trate di dâi ligrie al stomi"
gjavât fûr di "I colaçs" di Meni Ucel
"e la ligrie e je dai zovins / e no dai vecjos maridâts. / E le àn pierdude biel lant a messe / e in chê dì che a son sposâts"
gjavât fûr di "E la ligrie" di Popolâr
"volìn gjoldi la ligrie / fra nô zovins che nô o sin; / sunarà la Ave Marie / dopo muarts che nô o sarìn"
gjavât fûr di "Volìn gjoldi" di Popolâr
Viôt ancje: alegrie, aligrie
ligrie s.f.
(li-gri-e)
Spec. tal pl., celebrazion, manifestazion di fieste
sinonims
fieste, fraie
esemplis
"dutis lis ligriis che si fasin in chês vilis par un predi gnûf"
gjavât fûr di "Lis predicjis dal muini" di Josef Marchet
"fatis chestis voris, i invidâts e àn inmaneade une grant ligrie, sunant e cjantant"
gjavât fûr di "Amîs come prime" di Alan Brusini
detulis
"a spandi vin, ligrie"
"cui che al à pâs, ligrie e amôr, dongje dal fogolâr al è un siôr"
"daspò di une grande ligrie e ven une grande malinconie"
"e vâl plui une ore di ligrie che no cent di malinconie"
"la ligrie bisugne fâle in famee"
"la ligrie e fâs armonie"
"la ligrie nol è aur che le pai"
"par une dì di ligrie si 'nd à cent di malinconie"
"uciel pal aiar al cjante di ligrie, uciel in scjaipule al cjante di passion"
torne sù