Hai cercato la parola
monolingue
Torna indietro

monolingue

ligrie s.f.
(li-gri-e)
Il vê o il dâ umôr legri, contentece vive e lizere
sinonimi
bontimp, bon umôr, contentece, felicitât, fraie, gaiosetât, gjonde, gjubialitât, glorie, legrece
esempi
"il Carnevâl al veve metût sbrendui e ligrie aduès ae zoventût dal borc, che si bandonave a matetâts"
da "La cotule di none Betilde" di Maria Forte
"il frut, lôr fi. Vê un frut, Signôr, al è un miracul: di deventâ mats di ligrie!"
da "La aghe da pît la cleve" di Dino Virgili
"ce vite che si mene, no une ore di ligrie, no une peraule di bontât, di afiet"
da "Gnot di Nadâl" di Pieri Somede dai Marcs
"[par comprâ goloseçs] no si trate di fam: si trate di dâi ligrie al stomi"
da "I colaçs" di Meni Ucel
"e la ligrie e je dai zovins / e no dai vecjos maridâts. / E le àn pierdude biel lant a messe / e in chê dì che a son sposâts"
da "E la ligrie" di Popolâr
"volìn gjoldi la ligrie / fra nô zovins che nô o sin; / sunarà la Ave Marie / dopo muarts che nô o sarìn"
da "Volìn gjoldi" di Popolâr
Vedi anche: alegrie, aligrie
ligrie s.f.
(li-gri-e)
Spec. tal pl., celebrazion, manifestazion di fieste
sinonimi
fieste, fraie
esempi
"dutis lis ligriis che si fasin in chês vilis par un predi gnûf"
da "Lis predicjis dal muini" di Josef Marchet
"fatis chestis voris, i invidâts e àn inmaneade une grant ligrie, sunant e cjantant"
da "Amîs come prime" di Alan Brusini
proverbi
"a spandi vin, ligrie"
"cui che al à pâs, ligrie e amôr, dongje dal fogolâr al è un siôr"
"daspò di une grande ligrie e ven une grande malinconie"
"e vâl plui une ore di ligrie che no cent di malinconie"
"la ligrie bisugne fâle in famee"
"la ligrie e fâs armonie"
"la ligrie nol è aur che le pai"
"par une dì di ligrie si 'nd à cent di malinconie"
"uciel pal aiar al cjante di ligrie, uciel in scjaipule al cjante di passion"
Torna in Cima