Tu âs cirût la peraule
monolengâl
torne indaûr

monolengâl

mût s.m.
Forme o maniere che al à un ciert fenomen intal manifestâsi o intal davuelzisi, o che si à tal fâ alc
sinonims
fate, maniere
esemplis
"al fissave la none che si tignive sù drete. Un mût di puartâ la persone ereditât de sô int"
gjavât fûr di "Cjase di Dalban" di Maria Forte
"e veve un mût sdavàs e sflacjon di movisi e di cjaminâ"
gjavât fûr di "Il dolfin" di Carlo Sgorlon
"usancis alimentârs coretis [...] a son essenziâls par vivi in mût san e par prevignî tantis malatiis"
gjavât fûr di "Metiti in moto!" di Guglielmo Pitzalis
Viôt ancje: môt
mût s.m.
Ancje tal pl., maniere di tratâ cun chei altris
sinonims
maniere
esemplis
"al saveve benon i mûts e i argoments par jentrâ te simpatie de int"
gjavât fûr di "Ombris tal infinît" di Carlo Sgorlon
"se us domandin un sclariment tant che a usin i fruts [ur disês]: "Vaitmi in mone!". Isal mût?"
gjavât fûr di "Tirâ sù fruts" di Meni Ucel
"a vevin olsât, ancje masse! E cun ce mûts e cun ce fevelâ sbocjât! Tant al è vêr che jê e veve finît par dispreseâ ducj i oms"
gjavât fûr di "Cretevierte" di Roberto Ongaro
mût s.m.
Pussibilitât, occasion o vie par rivâ a di un fin
sinonims
metodi, mieç, sisteme, strade, vie
esemplis
"Rico [...] al cjatave il mût di viodile simpri"
gjavât fûr di "Nadâl" di Pieri Somede dai Marcs
"ducj cuancj a colavin dentri une debilece tremende di intelet, e nol jere mût di fâju resonâ"
gjavât fûr di "Il dolfin" di Carlo Sgorlon
mût s.m.
[TS] (gram.) Massime intes lenghis indoeuropeanis, categorie dal verp che e definìs la posizion e la intenzion di cui che al fevele in rapuart a ce che si dîs
esemplis
"l’acent curt al va metût tai verps polisilabics [...] di prime persone plurâl, mût indicatîf, timp presint"
gjavât fûr di "Cors di lenghe furlane" di Fausto Zof
mût s.m.
[TS] (mus.) Massime inte musiche greghe antighe e intes composizions de Ete di Mieç, sucession di tons e semitons organizade daûr dal principi di modalitât
esemplis
"il cjant tradizionâl furlan plui carateristic al è di sigûr la vilote, une vore antîc, formât di plui vôs (polifonic) e che al dopre in maniere esclusive il mût maiôr"
gjavât fûr di "Musiche furlane" di Walter Colle
mût s.m.
[TS] (st.mus.) Inte notazion mensurâl doprade dal secul XIV al XVII, rapuart jenfri i valôrs di durade segnâts intes figuris
mût s.m.
[TS] (let.) Stîl, forme espressive tipiche di un autôr, di une scuele e v.i.
esemplis
"l'autôr al è un pitôr no cognossût che al va daûr dai mûts di Zuan Pauli Thanner, de scuele che si riferìs a Pelegrin di Sant Denêl"
gjavât fûr di "Cjarpenêt - Glesie di Sant Michêl in Cimitieri" di Aministrazion Publiche
detulis
"a cui che al fâs a so mût, no i dûl il cjâf"
"i testarts le vuelin simpri a lôr mût"
"il cûr al resone a so mût"
"madone e brût: ognidune a so mût"
"mangjâ a mût so e vistî a gust gno"
"mangjâ a mût so e vistîsi a mût dai altris"
"mangje a mût to e vistìs a mût dai altris"
"ognidun le pense a so mût"
"vistî a mût di chei altris, mangjâ a mût so"
torne sù