Hai cercato la parola
monolingue
Torna indietro

monolingue

mût s.m.
Forme o maniere che al à un ciert fenomen intal manifestâsi o intal davuelzisi, o che si à tal fâ alc
sinonimi
fate, maniere
esempi
"al fissave la none che si tignive sù drete. Un mût di puartâ la persone ereditât de sô int"
da "Cjase di Dalban" di Maria Forte
"e veve un mût sdavàs e sflacjon di movisi e di cjaminâ"
da "Il dolfin" di Carlo Sgorlon
"usancis alimentârs coretis [...] a son essenziâls par vivi in mût san e par prevignî tantis malatiis"
da "Metiti in moto!" di Guglielmo Pitzalis
Vedi anche: môt
mût s.m.
Ancje tal pl., maniere di tratâ cun chei altris
sinonimi
maniere
esempi
"al saveve benon i mûts e i argoments par jentrâ te simpatie de int"
da "Ombris tal infinît" di Carlo Sgorlon
"se us domandin un sclariment tant che a usin i fruts [ur disês]: "Vaitmi in mone!". Isal mût?"
da "Tirâ sù fruts" di Meni Ucel
"a vevin olsât, ancje masse! E cun ce mûts e cun ce fevelâ sbocjât! Tant al è vêr che jê e veve finît par dispreseâ ducj i oms"
da "Cretevierte" di Roberto Ongaro
mût s.m.
Pussibilitât, occasion o vie par rivâ a di un fin
sinonimi
metodi, mieç, sisteme, strade, vie
esempi
"Rico [...] al cjatave il mût di viodile simpri"
da "Nadâl" di Pieri Somede dai Marcs
"ducj cuancj a colavin dentri une debilece tremende di intelet, e nol jere mût di fâju resonâ"
da "Il dolfin" di Carlo Sgorlon
mût s.m.
[TS] (gram.) Massime intes lenghis indoeuropeanis, categorie dal verp che e definìs la posizion e la intenzion di cui che al fevele in rapuart a ce che si dîs
esempi
"l’acent curt al va metût tai verps polisilabics [...] di prime persone plurâl, mût indicatîf, timp presint"
da "Cors di lenghe furlane" di Fausto Zof
mût s.m.
[TS] (mus.) Massime inte musiche greghe antighe e intes composizions de Ete di Mieç, sucession di tons e semitons organizade daûr dal principi di modalitât
esempi
"il cjant tradizionâl furlan plui carateristic al è di sigûr la vilote, une vore antîc, formât di plui vôs (polifonic) e che al dopre in maniere esclusive il mût maiôr"
da "Musiche furlane" di Walter Colle
mût s.m.
[TS] (st.mus.) Inte notazion mensurâl doprade dal secul XIV al XVII, rapuart jenfri i valôrs di durade segnâts intes figuris
mût s.m.
[TS] (let.) Stîl, forme espressive tipiche di un autôr, di une scuele e v.i.
esempi
"l'autôr al è un pitôr no cognossût che al va daûr dai mûts di Zuan Pauli Thanner, de scuele che si riferìs a Pelegrin di Sant Denêl"
da "Cjarpenêt - Glesie di Sant Michêl in Cimitieri" di Aministrazion Publiche
proverbi
"a cui che al fâs a so mût, no i dûl il cjâf"
"i testarts le vuelin simpri a lôr mût"
"il cûr al resone a so mût"
"madone e brût: ognidune a so mût"
"mangjâ a mût so e vistî a gust gno"
"mangjâ a mût so e vistîsi a mût dai altris"
"mangje a mût to e vistìs a mût dai altris"
"ognidun le pense a so mût"
"vistî a mût di chei altris, mangjâ a mût so"
Torna in Cima