Hai cercato la parola
monolingue
Torna indietro

monolingue

mandâ jù loc.v.
Fâ lâ intun puest o intune posizion calcolade plui basse o plui meridionâl
esempi
"si faseve, la sabide dopo misdì, la spongje e, dopo di vêle striçade dal pignot, le mandavin jù pal poç tal zei dal lidric par che si indurìs vie pe gnot"
da "Il cuader de none" di Pieri Menis
"sul moment al fo mandât jù un agnul inta val di Gjosafat par eseguî la volontât di Dio"
da "La invidiose" di Luigi Gortani
mandâ jù loc.v.
Gloti, fâ passâ tal stomi ce che si à in bocje
sinonimi
parâ jù, gloti, butâ jù
esempi
"mi à dade la gavete plene di mignestre di vuardi. O ai mandât jù dut cence tirâ flât"
da "Il «miracul» di un ûf" di Pieri Menis
mandâ jù loc.v.
Sopuartâ une ofese, une umiliazion o acetâ alc che si calcole negatîf o diviers di ce che si volarès o di ce che si spietisi (fig.)
sinonimi
parâ jù, gloti, butâ jù
esempi
"tasê, simpri tasê, mandâ jù i grops e suiâsi las lagrimas par tantas ofesas"
da "Cjara o bec?" di Valter Rodaro
"e je dure di mandâ jù par Alì Shinà, la nestre idee di libertât"
da "Un blanc e un neri" di Igor Londero
mandâ jù loc.v.
No dî o ritirâ peraulis o pinsîrs
esempi
""Cu la spade tes fasarès mandâ jù chestis peraulis di tradiment…""
da "Strumîrs e Çambarlans" di Alviero Negro
mandâ jù loc.v.
Fâ lâ vie une magle, il sporc o altri
esempi
""Siôr Nardin al veve une magle di ont cussì grande su la gjachete. [...] O ai scugnût sfadiâ une ore par mandâjale jù""
da "Comari 'Sese" di Bruno Paolo Pellarini
Torna in Cima