Hai cercato la parola
monolingue
Torna indietro

monolingue

manigolt s.m.
(ma-ni-golt)
Par antîc, soldât ai ordins di un siôr o di une comunitât, incjariât soredut di imponi l'ordin public, il volê de autoritât o ancje di eseguî i suplizis
sinonimi
sbîr
esempi
"il cjistiel cui manigolts che a fasin la vuaite cul spiçot su la spale"
da "Lis predicjis dal muini" di Josef Marchet
"el nestri bon Signôr al è distirât su la crôs. I manigolts a jan za in man clauts e marcjel"
da "Lis fucsiis" di Dolfo Zorzut
"[i nobii] si cjatavin a Cividât e, ai 5 [sic] di Jugn dal 1350 te planure di S. Zorç de Richinvelde insieme cui lôr manigolts, i devin aduès al Patriarcje"
da "Il Beât Beltram" di Bepo Marion
manigolt s.m.
(ma-ni-golt)
Persone cence onestât e cence scrupui, pronte a fâ dal mâl a chei altris, a robâ, a imbroiâ, a maltratâ e v.i., ancje tant che ofese gjeneriche (ancje iperb.)
sinonimi
baron, canaie, cjamoie, criminâl, ferabut, forcje, fotût, galere, galiot, lazar, lazaron, ligjere, ludro, maçât, malintindût, rem di galere, ribalt, salabrac, picjât, delincuent, brigant, furfant
esempi
"«Ven jù di li, manigolt!» [a un frut che al robave cjariesiis]"
da "Faliscjis" di Cristina Noacco
"o che jo a chel manigolt gjavi la plucja!"
da "La Eneide di Virgjili" di Zuan Josef Busiç
"il paron di cjase Rusin al salte fûr dal porton porconant e businant plen di madonis cuintri chei bastarts, maledets, galeris, manigolts che se us cjapi!"
da "Impresis" di Laurin Zuan Nardin
Torna in Cima